Friday , March 29 2024

Ate Vi, gagawa na ng pelikula bago matapos ang taon

MEDYO magiging maluwag ng kaunti ang schedule ni Ate Vi (Vilma Santos). Kailangan din naman siguro niya ng pahinga kaya sa totoo lang isang malaking relief din para sa kanya nang alisan siya ng committee chairmanship sa House. Pero inalisan siya ng chairmanship ng isang committee hindi dahil sa incompetence kundi dahil sa hindi siya bumoto pabor sa death penalty.

Sinabi naman iyon noon pa ni Speaker Pantaleon Alvarez, na ang sino mang hindi bumoto pabor sa death penalty, aalisan niya ng committee chairmanship. Eh matapos na magsagawa ng konsultasyon sa Batangas, lumalabas na hindi pabor sa death penalty ang mga mamamayan, bumoto siya ng no sa death penalty bill. Pero nananatili naman siyang member ng ilan pang committees.

“Medyo bawas lang ang tension ngayon, pero marami pa ring trabaho, kaya nga hindi pa rin ako makatanggap ng pelikula. Iyon na nga ang paulit-ulit na tinatanong ng fans, kung iisipin mo naman kumikita ang pelikula ko and I still win awards. Pero talagang hindi ko magawang tanggapin iyong mga offer sa akin dahil may responsibilidad nga ako sa mga taga-Batangas,” sabi pa ni Ate Vi.

“Pero hopefully dahil nabawasan nga ang paper work ko, baka naman mai-consider ko ang isang project before the year ends. Alam mo isa pa iyan. Maraming considerations sa gagawin kong pelikula. Kasi siyempre minsan-minsan na lang akong gumawa ng pelikula. Ipang-aagaw ko pa iyan ng oras sa schedule ko, kaya kung gagawa ako, talagang pipiliin ko na ang gagawin kong pelikula.

Una, dapat iyong pelikulang hindi naman nakaiinsulto sa katayuan ko bilang isang aktres at bilang isang congresswoman din naman. Ikalawa, kailangan iyong magugustuhan din naman ng fans ko. Kung hindi, hindi rin kikita iyan. Ayoko namang gumawa ng flop sa panahong ito.

“Maraming considerations talaga eh, pero basta may ok na project, gagawa ako ng isa before the year ends,” patapos na sabi ni Ate Vi.

HATAWAN – Ed de Leon

About Ed de Leon

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *