Friday , March 29 2024

Kagustuhan ni Ai Ai na maikasal sa simbahan, tama lang

NARINIG namin iyong interview kay Aiai delas Alas ng Radyo Veritas noong isang araw, na napag-usapan nila ang tungkol sa sakramento ng kasal. Sinasabi ni Aiai, na sa susunod na taon na sila magpapakasal ng kanyang boyfriend na si Gerald Sibayan. Gusto rin niyang magpakasal sa simbahan para siya ay maging isang magandang halimbawa lalo na sa kanyang anak na babae. Gusto rin niyang ang pagsasama nilang dalawa ni Gerald ay maging forever na.

Malayo iyan sa mga karaniwang sinasabi ni Aiai sa mga interview niya noong araw. At alam naman nating hindi lang ngayon nagpakasal si Aiai. Pero kailanman, hindi pa nga naman siya naikasal sa simbahan. Kung sakali, sa mata ng simbahan, ngayon pa lang magpapakasal si Aiai. Dahil kahit na may mga batas ang estado na kumikilala sa mga naging kasal niya noong una, sa batas ng simbahan, ang kasal ay isang sakramento at maaari lamang isagawa sa simbahan. Ang anumang kasal sa labas ng simbahan ay hindi kinikilala ng simbahan. Kung kasal kayo sa sibil, live in pa rin ang turing diyan ng simbahan.



Palagay namin, nagbago ang takbo ng kaisipan ni Aiai sa kahalagahan ng kasal, hindi dahil sa nabigyan siya ng isang papal decoration, o hindi rin masasabing sobra siyang in love sa boyfriend niya ngayon, kundi kung minsan dahil sa ating maturity at dahil sa mga naging karanasan na rin natin sa buhay, mas natututuhan natin kung ano ang tama para sa ating buhay.

Tiyak iyan, may magsisipagtaas ng kilay sa mga sinabi ni Aiai. Alam naman ninyo sa showbusiness, minsan mababa ang moralidad. Pero sa palagay namin ang sinasabi niya ay tama. Maaaring hindi convenient ang pagpapakasal sa simbahan dahil wala ngang diborsiyo, pero iyon pa rin ang masasabi nating tama.

Kung iyon ngang mga bakla at tomboy nagpapakasal kahit alam naman nilang hindi legal iyon eh, iyon pa nga bang normal na pagpapakasal na legal, at binding ang hindi mo gagawin?

HATAWAN – Ed de Leon

About Ed de Leon

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *