Sa pag-alis ni Sharon patungong US, Kiko, may mensahe

THIS week naman ay babalik na rin ang megastar na si Sharon Cuneta, na bumiyahe ngang mag-isa sa US para magpalipas muna ng sama ng loob. Inamin ni Sharon sa kanyang social media post mismo na nasaktan siya sa ilang mga pangyayari, at disappointed siya sa ibang mga bagay.

Mabilis namang nagbigay ng statement ang kanyang kampo pagkatapos na hindi naka-recover agad si Sharon sa pagkamatay ng composer na si Willie Cruz, na naging bahagi ng kanyang music career. Sa totoo lang, hindi namin alam na ganoon pala katindi ang pinagsamahan nina Sharon at Cruz. Hindi naman naging ganyan ang paghihimutok niya sa pagyao ng iba pang naging bahagi ng kanyang career noong araw.

Mabilis ding nagpadala ng text message ang kanyang asawang si Senador Francis Pangilinan sa TV Patrol na nagsasabing mahal na mahal niya ang megastar, at hindi niya alam kung paano magiging ama sa kanilang mga anak kung wala iyon. May sinabi pa siyang wala siyang ibang minahal kundi ang megastar. Nag-iisip kami, bakit nga ba kailangan ang ganyang statement eh umalis lang naman si Sharon dahil sa sama ng loob at ibang disappointments at hindi naman niya sinabing disappointed siya sa kanyang asawa. Maaaring career ang dahilan dahil tagilid din naman ang takbo ng kanyang career.

Minsan iyang mga ganyang sala-salabat na statements ay hindi rin maganda. Kung iyong pangyayari ay pinabayaan na lang nila tutal naman pala after a week uuwi na si Sharon, eh ‘di sana tahimik nang natapos ang mga usapan kung ano mang issues mayroon. Pero dahil sa naglabasan pang mga statement sa media, na obviously hindi talaga directed kay Sharon kundi sa publiko, parang wala sa ayos at hindi napag-isipan nang husto.

HATAWAN – Ed de Leon