HATAW! D'yaryo ng Bayan hatawtabloid.com
BLOOMINH si Julia Montes na humarap sa entertainment media sa katatapos na finale presscon ng seryeng Doble Kara. Naka-red cocktail dress si Julia na halatang masaya kahit magtatapos na ang serye na tumakbo rin ng halos isang taon sa ere.
“Medyo may lungkot po. Pero ganoon talaga. May mami-miss kang mga tao na naging pamilya mo na sa serye. Pero alam ko pong nagsilbing inspirasyon din po sa napakaraming manonood ang ‘Doble Kara’ dahil kahit ako ay napakarami ko rin pong natutuhan habang ginagawa namin ang serye.
“Naging maganda rin po ang ratings namin. Masaya ako working with them kina Direk at sa lahat ng taong nakatrabaho ko!” sagot pa ni Julia sa aming panayam.
Naglalakihang eksena pa ang matutunghayan sa huling araw ng Doble Kara. Kaya tutukan ang ating Daytime Drama Queen!
REALITY BITES – Dominic Rea
