Monday , October 2 2023

Gabby, ‘di kinikilalang ama ni Cloie Syquia Skarne?

HINDI nanalo, number 8 lang ang anak ni Gabby Concepcion kay Jenny Syquia sa katatapos na Miss Earth pageant, na ginawa sa MOA Arena kamakailan. Mabilis na nagpahayag ng suporta at katuwaan sa naging accomplishment ng kanyang kapatid ang aktres na si KC Concepcion, pero tahimik lamang at walang statement si Gabby mismo.

Iyang si Cloie, naging anak nga ni Gabby kay Syquia matapos na sila ay magpakasal sa Pilipinas, pero hindi rin nagtagal ang kanilang pagsasama. Nagkaroon ng mga question sa nasabing kasal dahil noon ay hindi pa naman annulled ang kasal nina Sharon Cuneta at Gabby. Noong makuha naman ni Sharon ang annulment na hiningi niya, malabo pa rin ang kasal nina Gabby at Jenny dahil sa nauna niyang kasal sa isang Amerikana na siyang naging basis sa pagpapawalang bisa ng kasal nila ni Sharon.

Marriage for convenience lang daw iyon. Kasi, nagpakasal naman si Gabby sa Kana na iyon noong nasa US siya with the hope na makakukuha siya ng American citizenship ng mas madali. Noong magbago ang isip niya at nagbalik sa Pilipinas at kinalimutan na ang pagiging US citizen, hindi niya nagawang idiborsiyo muna ang babaeng kanyang pinakasalan.

Ito namang si Syquia, matapos makipaghiwalay kay Gabby ay nag-abroad at may nakilalang taong nanligaw sa kanya, nagkasundo sila at nagpakasal. In-adopt na rin ng kanyang asawa si Cloie, kaya ngayon ang legal niyang pangalan ay Cloie Syquia Skarne, at isa na nga siyang Swiss national. Biological father niya si Gabby, pero legally wala na silang koneksiyon.

Sabi nga nila, ano raw kaya ang feeling ni Gabby na parang nawalan siya ng isang anak? May mga kritiko naman na nagsasabi na siguro ok lang sa kanya dahil lima na ang kanyang anak, ang naunang apat ay iba’t iba rin ang nanay. Bukod kay KC na anak niya kay Sharon, nariyan din ang singer na ngayong si Garie na anak naman niya kay Grace Ibuna, iyang si Cloie nga na anak niya kay Syquia, at iyong sina Savannah atSamantha na anak naman niya kay Genevieve Gonzales na pinakasalan niya noong 2004. Puro babae ang naging anak ni Gabby.

Pero ano nga kaya ang feeling na makita mo ang anak mo sa isang international beauty pageant pero hindi sinasabi na ikaw ang tatay niya?

HATAWAN – Ed de Leon

About Ed de Leon

Check Also

Ashley Sandrine Yap Richard Yap

Anak ni Richard Yap magiging bahagi ng GMA News and Lifestyle program

I-FLEXni Jun Nardo HALO-HALO ang 48 artists na luma at bago, ang pumirma at naging …

blind item, woman staring naked man

Batas laban sa mahahalay na panoorin madaliin

HATAWANni Ed de Leon DAPAT nang bilisan ang pag-aaral ng Kongreso sa panukalang batas na …

Andrea Brillantes ine-enjoy ang walang ka-loveteam

Andrea kalma muna bagong relasyon tiyakin

HATAWANni Ed de Leon WALA na bang masasabi ngayon si Andrea Brillantes kundi kung sinong lalaki ang …

Teejay Marquez

Projects ni Teejay Marquez sa Indonesia sumabit

HATAWANni Ed de Leon NOONG isang araw, kausap namin ang actor na si Teejay Marquez, na …

Lala Sotto MTRCB

Apela ng It’s Showtime ibinasura

SHOWBIZ KONEKni Maricris Valdez Nicasio IDINENAY ng Movie and Television Review and Classification Board (MTRCB) ang Motion …

Leave a Reply

Your email address will not be published. Required fields are marked *