Monday , May 27 2024

Kahit mahirap puwedeng maging piloto — Lacson

KAHIT mahirap o anak ng ordinaryong mamamayan, puwede nang maging piloto ng Philippine Air Force (PAF).

Ayon kay Senador Panfilo Lacson sa sandaling maisabatas ang panukala niyang Senate Bill 259, layong buuin ang Philippine Air Force Academy (PAFA) na tatanggap sa lahat ng kuwalipikadong estudyante na nais maglingkod sa pamahalaan bilang piloto ng PAF.

“The PAFA will fulfill the constitutional mandate of guaranteeing equal access of opportunity for public service, while professionalizing other career areas of the PAF such as aircraft maintenance, avionics and air logistics,” paliwanag ng mambabatas sa kanyang panukala.

Binuo niya ang nabanggit na panukala upang magkaroon ng isang institusyon ang pamahalaan para mas makahubog ng mga piloto na may dedikasyon sa serbisyo sa pagtatanggol sa bayan.

“The PAF Academy as conceptualized, is geared towards making available an adequate and dedicated corps of professional Air Force officers with the proper education, training and orientation to lead and manage the complex technologies inherent in the field of aviation,” banggit ng mambabatas.

Sa ngayon, ang Philippine Military Academy (PMA) ang tumatayong institusyon ng pamahalaan na humuhubog sa mga magtatanggol sa gobyerno laban sa masasamang elemento ngunit walang sapat na pagsasanay para sa mga gustong maging piloto.

Maging ang flying school ng PAF ay hindi na kayang ipagkaloob ang mga pagsasanay sa mga piloto ng kasalukuyang henerasyon.

“The PAF Flying Schools (PAFFS), presently the main source of regular PAF officers, could no longer provide the required number and proper training of officer pilots due to inadequate facilities and logistical support. It also requires a college degree, keeping poor Filipinos from serving in the PAF,” paliwanag sa naturang panukala.

Ang sistema na gagamitin sa pagtanggap ng mga mag-aaral sa PAFA ay kahalintulad sa ipinaiiral ng PMA, na lahat ng gastos ay babalikatin ng gobyerno.

( CYNTHIA MARTIN )

About Cynthia Martin

Check Also

Apostle Arsenio Ferriol

4th Watch nagluksa sa pagpanaw ng founder na si Apostle Arcenio Ferriol

NAGLUKSA ang buong Pentecostal Missionary Church of Christ (4th Watch) sa pagpanaw ng kanilang founder …

Senador Alan at Pia nagbigay ng tulong sa 2,000 Batangueño

Senador Alan at Pia nagbigay ng tulong sa 2,000 Batangueño

UMABOT sa 2,000 Batangueño ang nakatanggap ng tulong mula sa mga opisina nina Senador Alan …

Lito Lapid agri-tourism

Pagpapalago ng agri-tourism, isusulong ni Sen. Lito Lapid

INAARAL ngayon ni Senador Lito Lapid ang pagpapaunlad ng Agri-tourism sa bansa. Kasunod ito ng …

Bong Revilla Jr Bryan Revilla

Sen. Revilla, Agimat Partylist saludo sa volunteer groups na handang magsakripisyo sa bayan

INIHAYAG ni Agimat Partylist Rep. Brian Revilla at maging ang tanggapan ng kanyang ama na …

Bagong gusali para sa retired MPD cops, pinasinayaan

Bagong gusali para sa retired MPD cops, pinasinayaan

MAYROON nang sariling tanggapan at gusali ang mga retired members ng Manila Police District. Ito …

Leave a Reply

Your email address will not be published. Required fields are marked *