Sunday , June 16 2024

Dayanara, nami-miss na raw ang ‘Pinas

SA totoo lang, natuwa naman kami nang makita namin ang social media post ng dating Miss Universe at naging isang artista sa Pilipinas at muntik nang maging Pinoy na si Dayanara Torres. Naging Miss Universe siya noong 1993 at nakarating sa Pilipinas. Maski sa Puerto Rico na kanyang pinagmulan ay kinikilala rin siyang aktres, singer, at writer.

Flashback lang ng kaunti, si Dayanara ay naging girlfriend noon ng matinee idol na si Aga Muhlach, at marami ang humuhula na magkakatuluyang ang dalawa. Naging seryoso rin kasi ang kanilang relasyon at iyon ang dahilan kung bakit nagtagal sa Pilipinas si Dayanara, kahit na dapat ay isang pelikula lang ang gagawin.

Marami siyang nagawang magagandang pelikula at naging mainstay pa ng ASAP.

Hindi rin naman sila nagkatuluyan ni Aga for whatever reasons, nagbalik si Dayanara sa kanilang bayan at nakapag-asawa naman ng isang singer-composer at record producer, si Marc Anthony. Nagkaroon sila ng dalawang anak, nagkahiwalay, nagsamang muli, pero natapos ang kanilang pagsasama sa isang divorce.

Natuwa kami nang makita ang kanyang post na tuwang-tuwa nang malaman niyang gagawin dito sa Pilipinas ang Miss Universe sa susunod na taon. Nakatutuwa lalo na iyong gamit niya ng salitang Tagalog na sinabi niyang nami-miss na niya ang Pilipinas at “nakase-senti”. May inilabas pa siyang pictures ng chocolates at dried mangoes na produkto ng Pilipinas.

Ang nakatutuwa, si Dayanara ay isang Puerto Rican, walang dugong Pinoy. Sayang na nga lang at hindi siya natuluyang naging Pinoy. Pero nakapagsasalita at nakapagsusulat siya ng diretsong tagalog. Iyong ibang mga artista natin, hanggang ngayon baliko ang dila.

HATAWAN – Ed de Leon

About Ed de Leon

Check Also

Sanya Lopez

Sanya napraning sa stalker

MA at PAni Rommel Placente INAMIN ni  Sanya Lopez sa interbyu sa kanya sa Chika Minute sa 24 Oras, na …

Charles Raymond Law

New heartthrob ng Viva wish makagawa ng mala-Freddie Highmore role sa The Good Doctor

MATABILni John Fontanilla NAGDIWANG ng kanyang ika-16 birthday ang future heartthrob ng Viva Entertainment na si Charles Raymond …

Wize Estabillo

Bidaman Wize inalok ng P1-M kapalit ng one night stand

MATABILni John Fontanilla DAGSA ang natatanggap na indecent proposal ni Wize Estabillo sa kanyang mga social media …

Joshua Garcia Carlo Aquino Charlie Dizon

Joshua hinanap sa kasal nina Carlo at Charlie

MA at PAni Rommel Placente INISNAB nga ba ni Joshua Garcia ang kasal nina Carlo Aquino at Charlie Dizon? Tanong …

Kira Balinger Kelvin Miranda

Kelvin kakaiba ang na-experience nang makatrabaho si Kira

RATED Rni Rommel Gonzales REFRESHING mapanood sa isang pelikula na magkapareha ang isang Kapuso at …

Leave a Reply

Your email address will not be published. Required fields are marked *