Tuesday , July 16 2024

Sa pagbabalik ni Kris, ano ang itatakbo ng kanyang career?

EWAN kung sa maikling panahon ng pananatili nila sa Hawaii ay naimulat na nga ni Kris Aquino ang kanyang dalawang anak sa simpleng pamumuhay, na siya niyang sinasabi noon kung bakit gusto niyang manirahan sa US kasama ang mga anak.

Ewan din kung sa pag-upo nga ni Presidente Digong Duterte ay nawala na ang takot ni Kris sa posibleng pagdukot sa kanya ng Abu Sayyaf, na sinasabi rin niyang isa sa mga dahilan noon kung bakit ni hindi siya nag-renew ng kontrata saABS-CBN. May nagsasabi namang baka na-realize ni Kris na mas magiging mabuti na ang buhay sa Pilipinas ngayong si Presidente Digong na ang nasa Malacanang kaya nagbalik na siya.

Siyempre nang magbalik siya ay nagpa-ugong siya agad, at una siyang lumabas sa isang show ng Channel 7 at hindi sa ABS-CBN. Sadly, wala namang narinig na tumaas ang ratings ng show nang maging guest siya roon.

Hindi rin naman siguro ganoon ka-pleasant ang mga balitang maririnig niya, kasi bukod sa mga reklamong isinampa na laban kay Noynoy na kapatid niya, mukhang happy-happy naman ang ex niyang si James Yap dahil manganganak na ang girlfriend niyon na si Michaella Cazzola in a few more months. Maliwanag na naka-move on na nang husto si James, samantalang si Kris wala pa. Nabutata pa kasi ang nai-announce na niyang love affair niya noon kay Mayor Herbert Bautista.

Aminin natin, na ang kanyang pagiging isang presidential daughter noong araw, at pagiging presidential sister naman pagkatapos ay nakatulong ng malaki sa kanyang career. Kung iisipin mo, at kung itutuloy pa nga niya ang kanyang showbiz career, ngayon lang siya tatakbo sa kanyang trabaho ng walang tinitingnang political influence. Hindi naman natin maikakaila iyan, dahil kung natatandaan ninyo, noong unang mag-artista si Kris, ang talagang nag-aasikaso halos sa kanya ay si Manoling Morato na siyang chairman ng MTRCB noong panahong iyon. Marami pa, pero hintayin na lang natin ngayon ang magiging takbo ng career niya pagbalik niya.

HATAWAN – Ed de Leon

About Ed de Leon

Check Also

Maris Racal Rico Blanco Anthony Jennings

Maris nilinis pangalan ni Anthony; Rico pinagtagpo pero hindi itinadhana

SHOWBIZ KONEKni Maricris Valdez Nicasio “ANTHONY is out of the picture.” Ito ang agad na nilinaw …

Blind Item, Matinee Idol, Mystery Man

Male Starlet walang maipagmalaking project kahit nakakontrata sa isang kompanya

ni Ed de Leon ANG bagay nga sigurong project para sa isang male starlet ay “Bata. Bata …

James Reid Issa Pressman

James Reid lipas na, inulan ng panlalait sa internet 

HATAWANni Ed de Leon KAWAWA rin naman si James Reid kung noong panahon ng kanyang kasikatan ay …

cyber libel Computer Posas Court

Batas laban sa Cyber Crime malabnaw

HATAWANni Ed de Leon NATAWAG ang aming pansin sa isang video na napanood sa programa …

James Reid Liza Soberano

James inihayag Liza maraming nakalinyang projects

MA at PAni Rommel Placente MALAKI raw ang posibilidad na gumawa ng pelikula sina James Reid at …

Leave a Reply

Your email address will not be published. Required fields are marked *