Thursday , March 28 2024

Bata at matanda, nababaliw sa JaDine

DUMATING na ang moment of truth. Hindi lamang ilalabas na ang unang pelikula nina James Reid at Nadine Lustre, matapos na umamin sila ng kanilang relasyon. Iyong pelikulang This Time ay maglalagay  sa kanila sa isang pagsubok, kasi nasabayan sila ng isa pang pelikulang Filipino. Pero honestly, palagay namin panalo riyan ang Jadine.

Bakit namin hindi sasabihing panalo iyong Jadine sa labang iyan, eh parang ang hawak mong baraha sa trailer pa lang ng pelikula ay isang king at isang alas. Tatalunin ba iyon maliban kung maka-five cards sila?

Nadadaan natin iyan sa biro, pero nakita kasi natin kung gaano kalakas ang suporta ng fans sa kanila. Bago iyong kanilang final presscon, nagkaroon sila ng activity sa Quezon City Memorial Circle, aba eh talo pa iyong political rally niyong “namimigay ng envelope” sa rami ng tao. Walang envelope na ipinamigay doon ha, kailangan pa nilang bumili ng beauty products para sila makapuwesto sa enclosure at makitang mabuti sina James at Nadine. Iyong iba kahit na malayo na sige pa rin sa kasisigaw at kakikilig. Aba, hindi namin nakita iyan doon sa politikong namimigay ng envelope kahit na naroroon ang kung sino mang love team at ang mga artista nilang malalaki ang talent fee.

Ano ang dahilan at kahit na bata o matanda nagkakagulo sa Jadine, sila pa ang gumagastos. Samantalang iyong ibang love team, parang nabantilawan na kahit na ang audience nila ay “nakatanggap na ng envelope”.

Ibig sabihin talagang matindi ngayon ang popularidad ng Jadine, at tandaan ninyo, hindi sila nag-endoso ng kahit na sinong politiko. Ang kapal nga ng mukha niyong isang vice presidentiable na ginamit pa ang pictures nina James at Nadine sa kanyang kampanya wala naman palang permiso.

Anyway, balikan natin iyong This Time. Napanood namin ang trailer niyan eh. Kalat naman kasi sa internet. Noong una nga hindi namin pinapansin. Pero noong makita naming milyon na ang nanood ng trailer, binuksan namin para malaman kung bakit ganoon karami ang interesado. Isa pala iyong feel good love story. Para bang iyong mga klasikong love story na talagang kinabaliwan ng fans simula pa noong araw. Kaya palagay namin magiging hit iyan. Iyang Jadine, malakas ang following ng love team na iyan. Kaya palagay namin kung minsan lang manonood ng sine ang isang tao, sila na ang panonoorin kaysa isang “experimental love team”.

HATAWAN – Ed de Leon

About Ed de Leon

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *