Friday , March 29 2024

Nora, nakalimutan na naman ang pagpapa-opera dahil sa pangangampanya

MUKHANG nabubuhos na naman ang kalooban ni Nora Aunor sa pagkakampanya. Madalas naming makita ang kanyang mga picture na may suot pang T-shirt ng kandidatong ikinakampanya niya. Mukhang dahil doon ay nakalilimutan na naman niya ang sinasabi niyang pagsisikap na makaipon ng pera para makapagpaopera na siya ng kanyang lalamunan sa US sa July.

Pero nagkakabiruan nga, baka naman walang malay si Nora na posibleng ang ikinakampanya niya ay magtuloy din ng daang matuwid, meaning hindi pa rin siya bigyan ng national artist title na ipinagkait sa kanya ni Noynoy Aquino.

Kung kami ang tatanungin, mas dapat muna sanang asikasuhin niya ay ang kanyang pagpapa-opera para magkaalaman na kung pagkatapos niyon ay makakakanta pa ba siyang kagaya ng dati o hindi na rin. Naniniwala siya sa mga finding na maaari pa naman daw mai-correct kung ano man ang nangyari sa kanya. May mga doctor namang nagsasabing imposible na, dahil hindi man nadesgrasya ang kanyang lalamunan, natural lang na iba na ang boses niya ngayong lagpas na siya ng 60.

Pero para sa kagaya ni Nora, na talagang walang ibang maaasahan kundi showbusiness para sa kanyang kabuhayan, it is worth the try. Parang sugal iyan eh. Kung maibabalik nga ang boses niya, panalo iyon. At least ang iisipin na lang niya ay kung sino naman ang producer na mamumuhunan sa CD niya, eh ngayon umuurong na ang mga producer dahil sa piracy. May mga producer ding magdududa, dahil kung ang pelikula niya ay mahina, may magkaka-interes pa nga kaya sa plaka niya?

Para siyang nagsisimula ulit niyan. Kailangan mag-guest siya sa mga TV show at patunayang kaya nga niyang kumanta. Kaso saang TV show naman siya papasok? Malaking sugal iyan pero kailangan niyang sakyan, after all iyan na lang ang last card niya.

HATAWAN – Ed de Leon

About Ed de Leon

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *