9-anyos nilaspag rape suspect itinumba

PATAY ang isang lalaking hinihinalang gumahasa sa isang 9-anyos batang babae, makaraan pagbabarilin ng hindi nakilalang armadong kalalakihan na magkaangkas sa motorsiklo sa Baliwag, Bulacan kamakalawa.

Sa ulat mula sa Baliwag Police, kinilala ang biktimang si Reynaldo Buenaventura, 53, may-asawa, at residente ng Zone 1, Brgy. San Roque, sa naturang bayan.

Ayon sa ulat, naganap ang pagpaslang sa biktima sa bahagi ng Tiongson St., Brgy. Tiaong, Baliwag nang sundan siya ng mga suspek habang naglalakad.

Agad binawian ng buhay ang biktima dahil sa mga tama ng bala sa iba’t ibang bahagi ng kanyang katawan.

Sinisilip ng pulisya ang anggulo na may kinalaman sa kasong rape na kinakaharap ng suspek hinggil sa panggagahasa sa isang 9-anyos batang babae, ang motibo ng pagpaslang.

Micka Bautista