Monday , December 5 2022

12-taon kulong sa pang-aabuso sa senior citizen

MABIGAT na parusa ang haharapin ng isang taong mapatutunayang nanakit ng senior citizen oras na pumasa sa Kamara ang isang panukalang batas.

Isinusulong ngayon sa Kongreso ang House Bill 5903 o ang “Anti-Violence Against Senior Citizens Act” na inihain ni Deputy Speaker at Nueva Vizcaya Rep. Carlos Padilla para bigyang proteksyon ang matatanda laban sa ano mang uri ng pang-aabuso tulad ng physical, sexual, psychological, at economical.

Nais din ng opisyal na masiguro ang kapakanan, kaligtasan at seguridad ng matatanda sa lipunan at maitulak din ang kanilang karapatan para sa mapayapa, positibo at may dignidad na pamumuhay sa mga nalalabi nilang taon.

Ang panukala ay alinsunod na rin sa International Human Rights Status of Elderly Persons, Universal Declaration of Human Rights, United Nations Convention on the Rights of the Elderly, at iba pang international human rights group na kinabibilangan ng Filipinas.

Paliwanag ng kongresista, malapit sa mga pang-aabuso ang senior citizens lalo na’t mahihina at nakadepende na ang mga pangangailangan nila sa kanilang pamilya.

Nakaaalarma aniya na hindi man lang nabibigyang pansin ang karapatan ng matatanda lalo nang kumalat sa social media ang video ng pananakit ng hinihinalang anak sa kanyang inang senior citizen.

Pagkakakulong ng anim hanggang 12 taon at multa na P100,000 hanggang P300,000 bukod sa kailangan sumailalim sa psychological counseling o psychiatric treatment ang mahahatulan sa pang-aabuso sa senior citizen.

Jethro Sinocruz

About hataw tabloid

Check Also

Bongbong Marcos Santa Claus Malacañang

FM Jr., nag-Santa Claus sa 600 bata sa Malacañang

MAY 600 batang nakatira sa mga komunidad sa paligid ng Malacañang complex sa San Miguel, …

Consumer Act

Ngayong Christmas rush
PROTEKSIYON PABOR SA MGA MAMIMILI NAIS PAIGTINGIN

SA GITNA ng biglaang dagsa ng mga mamimili bago sumapit ang Pasko, sinabi ni Senador …

baboy money Department of Agriculture

Suplay ng baboy, sapat para sa Pasko — DA

TINIYAK ni Department of Agriculture (DA) Deputy Spokesperson Rex Estoperez, sapat ang suplay ng baboy …

Bebot na-trap, sa gumuhong building, 2 pa sugatan

Bebot na-trap, sa gumuhong building, 2 pa sugatan 

NA-TRAP ang isang 22-anyos babae habang dalawa ang sugatan matapos gumuho ang isang 4-storey residential …

120522 Hataw Frontpage

Sa Taguig City
2 HS STUDENTS, 4 KAMAG-ANAK INASUNTO VS BOMB THREAT

SINAMPAHAN ng kasong paglabag sa Anti-Terrorism Act ang dalawang high school students at apat na …

Leave a Reply