Thursday , December 8 2022

14-anyos Lady drug courier itinumba sa Caloocan

BALA sa ulo ang tumapos sa buhay ng isang 14-anyos dalagitan na sinasabing sangkot sa pagtutulak ng ipinagbabawal na droga nang barilin ng hindi nakilalang suspek habang  naglalakad sa Caloocan City kahapon ng madaling araw.

Agad binawian ng buhay ang biktimang kinilalang si Krussell Malicdem, residente sa Block 50, Lot 25, Phase 2, Maya-Maya St., Brgy. Longos, Malabon City.

Tinutugis na ng mga awtoridad ang hindi nakilalang suspek na mabilis na tumakas makaraan ang insidente.

Batay sa ulat ni PO2 Cesar Garcia, naganap ang insidente dakong 4:45 a.m. sa Tanigue St., malapit sa kanto ng Dalagang Bukid St., at Hasa-Hasa St., Brgy. 14, Caloocan City.

Sa salaysay ng kaibigan ng biktima na si Angela Salonga, napadaan sa kanilang lugar si Malicdem at kumaway sa kanya ngunit ilang sandali ang lumipas nakarinig siya ng putok ng baril.

Nang alamin niya ang pinanggalingan ng putok ay nakita ang nakadapang biktima na wala nang buhay.

Lumalabas din sa imbestigasyon na sangkot sa ipinagbabawal na droga ang biktima kaya’t inaalam ng mga awtoridad kung may kaugnayan ito sa krimen.

Patuloy na nag-iikot sa pinangyarihan ng insidente ang mga awtoridad upang malaman kung may close circuit television (CCTV) na nakakabit sa naturang lugar na posibleng makatulong upang makilala ang mga suspek.

Rommel Sales

About hataw tabloid

Check Also

Richard Ricky Recto

May tama ng bala at nangangamoy na
EX-BATANGAS GOV., NATAGPUANG PATAY, SA KANYANG BAHAY

MAY tama ng bala at nangangamoy na nang matuklasan ng anak, pulis, at mga opisyal …

knife saksak

Pera pinagtalunan ng mag-asawa
BABAE KRITIKAL, MISTER PATAY SA SARILING SAKSAK

HINDI nakaligtas sa kamatayan ang isang lalaki matapos saksakin ang sarili habang sugatan ang kinakasama …

Covid-19

Sa Cagayan
154 ESTUDYANTE, GURO MAY SINTOMAS NG COVID-19 F2F CLASSES SUSPENDIDO

PANSAMANTALANG ipinassuspende ni Mayor Samuel Siddayao ng bayan ng Gattaran, sa lalawigan ng Cagayan, ang …

Riding-in-tandem

Sa San Rafael, Bulacan
1 PATAY, 1 SUGATAN SA RIDING-IN-TANDEM

DEAD ON-THE SPOT ang isang lalaking sakay ng motorsiklo habang sugatan ang kanyang angkas matapos …

Rodolfo Azurin Jr Sofronio Capitle Jr PNP

Labi ng pinaslang na pulis-Pampanga dinalaw at ginawaran ng pagpupugay

BINISITA at binigyang-pugay ni Philippine National Police (PNP) chief P/Gen. Rodolfo Azurin, Jr., ang pulis …

Leave a Reply