Baha, landslides sa North Luzon posible — PAGASA

NAGLABAS ng panibagong babala ang Pagasa laban sa mga pagbaha at pagguho ng lupa sa Northern Luzon.

Sa inilabas na abiso ng Pagasa kahapon, inaasahan anila ang malalakas na ulan sa Northern Luzon partikular sa Ilocos Region, Benguet at mga isla sa Batanes, Babuyan at Calayan dahil sa epekto ng hanging habagat.

“Meanwhile, occasional rains are expected over the rest of Cordillera and over the Provinces of Zambales and Bataan,” dagdag ng Pagasa.

Mula nang manalasa ang bagyong Egay at Falcon ay halos hindi nasisilayan ng mga taga-Northern Luzon ang sikat ng araw dahil sa epekto ng hanging habagat.