Wednesday , December 8 2021

PhilHealth sinasamantala ng private hospitals

NAGHAHANDA na ang Senado para sa matinding pagbusisi sa sinasabing pagsasamantala ng ilang pribadong ospital at klinika sa Philippine Health Insurance Corp. (PhilHealth).

Ito ang pahayag ni Senator Teofisto Guingona III, chairman ng Senate Blue Ribbon Committee, bunsod ng mga ulat na may nagaganap na anomalya sa pangongolekta ng ilang pagamutan sa PhilHealth. Sangkot sa anomalya ang aabot sa P2 bilyong pera ng naturang ahensiya.

Ang napipintong imbestigasyon ng Senado ay kasunod ng pagsisiwalat nina Health Secretary Janette Garin and Philhealth President Alex Padilla.

Ayon sa dalawa, natuklasan nila na may nakapagdududang pagsingil sa PhilHealth ang ilang pagamutan base sa mga kuwestiyonableng transaksiyon.

Ayon sa dalawa, natuklasan nila na ang isang pagamutan ng mata ay sumingil sa PhilHealth nang aabutin ng P170 milyon noon lamang 2014. Ito ay mas malaki ng 143 porsyento sa siningil ng pareho ring pagamutan noong 2013.

Pinatigil na rin nina Garin at Padilla ang pagpoproseso ng mga karagdagang singil na naturang ospital sa PhilHealth habang isinasagawa ang imbestigasyon.

Naghain na ng resolusyon si Senador Guingona para sa imbestigasyon ng Senado sa naturang alegasyon. Ang resolusyon ay ipinadala na sa Senate Health Committee na pinamumunuan din ni Senador Guingona.

Sinabi ng senador na siya ay nagalit dahil sa tila sistematikong paraan ng pagsasamantala sa PhilHealth. “Kung totoo ang mga alegasyon, ibig sabihin nito ay naghahari na rin ang kasakiman sa larangan ng kalusugan,” dagdag niya.

Cynthia Martin

About hataw tabloid

Check Also

Sunshine Cruz

Sunshine ‘di tumatanda — Wala kasi akong problema

HATAWANni Ed de Leon HINDI na yata tumatanda si Sunshine Cruz? Aba kung titingnan mo ang kanyang picture …

Elmo San Diego QC DPOS Quezon City

Kaligtasan, kalusugan ng lahat ang una sa QC — DPOS official

NAKATAKDANG magpulong ngayong Lunes ang pamunuan ng lokal na pamahalaan ng Quezon City at mga …

Barbie Imperial, Diego Loyzaga, AJ Raval

Diego iginiit wala silang dapat ipaliwanag ni Barbie

SHOWBIZ KONEKni Maricris Valdez Nicasio TINAPOS na ni Diego Loyzaga ang usapin patungkol sa kanyang girlfriend na …

Sa Pasig
3 GINANG, 1 PA TIKLO SA DROGA

KALABOSO ang tatlong ginang at isang lalaki nang bentahan ng ilegal na droga ang tauhan …

Lolo, ginang, isa pa, nalambat sa buy bust

HULI ang tatlong tulak na hinihinalang drug personalities, kabilang ang isang lolo at ginang matapos …

Leave a Reply