Thursday , December 9 2021

 ‘I-boycott mga China products’ —dating Congressman Golez

ANANAWAGAN si dating Parañaque representative Roilo Golez sa sambayanang Filipino na i-boycott ang mga produktong gawang Tsina bilang tugon sa pambu-‘bully’ ng Tsina sa Filipinas kaugnay ng pinag-aagawang Spratly’s islands at iba pang mga territorial claim sa West Philippine Sea.

Sa Tapatan sa Aristocrat media forum, binigyang-diin ng dating kongresista ang halaga ng pagtugon sa problemang kinahaharap ng bansa ukol sa territorial claims na may banta hindi lamang sa Filipinas kundi may economic at political impact sa ibang bansa tulad ng Vietnam, Malaysia, Brunei at maging ang Estados Unidos.

“Wala tayong military capability para harapin ang puwersa ng Tsina sa himpapawid at dagat ngunit may magagawa tayo sa pamamagitan ng pagsasagawa ng sanction na makasasakit sa kanila, tulad ng pag-boycott sa ilang produkto ng Tsina na makaaapekto sa isang malaking industriya na nagbibigay ng malaking revenue tulad ng garment industry,” diin ni Golez.

Sa pagpili sa garments, ipinaliwanag ng dating mambabatas na makakasakit ito sa Chinese economy habang napoprotektahan din ang interes ng mamamayang Filipino dahil mayroon pang ibang ipapamalit dito na hindi gawa sa Tsina.

Idinulog na ng Filipinas ang Tsina sa isang United Nations arbitration tribunal para labanan ang claim ng Beijing sa malaking bahagi ng South China Sea (o West Philippine Sea) para respetohin ang karapatan ng Filipinas sa exclusive economic zone (EEZ) at mapigilan ang mga Chinese incursion sa nabanggit na mga lugar.

Nagsagawa ang Filipinas ng compulsory proceedings laban sa Tsina na binibigyang puwang sa ilalim ng United Nations Convention on the Law of the Sea (Unclos), at hiniling sa UN na ideklarang ilegal ang sinasabing ‘nine-dash line’ claim ng Tsina.

“Dapat itigil ng Tsina ang mga ilegal na aktibidad nitong lumalabag sa soberenidad at hurisdiksyon ng Filipinas sa ilalim ng 1982 Unclos,” wika ni Golez.

About hataw tabloid

Check Also

Las Piñas Enhanced Kadiwa Inclusive Food Supply Chain Program

Para sa food security
LAS PIÑAS CITY PUMIRMA NG MOA SA DA

NILAGDAAN ng Las Piñas city government at ng Department of Agriculture (DA) ang isang memorandum …

Rida Robes

Pagbabakuna sa mga batang edad 5-11 anyos unahin bago face-to-face classes – Robes

UMAPELA si San Jose Del Monte City Rep. Florida “Rida” P. Robes sa Inter-Agency Task …

Comelec

Ex-CJ sa Comelec
DQS VS BBM RESOLBAHIN

HINIMOK ni retired chief justice Artemio Panganiban ang Commission on Elections (COMELEC) 2nd Division na …

SMC Isla Pulo San Miguel DENR

SMC tumutulong sa natitirang Metro old growth mangrove forest para protektahan

DADAGDAGAN ng San Miguel Corporation ang volunteers mula sa kanilang hanay para tulungan ang Department …

Sunshine Cruz

Sunshine ‘di tumatanda — Wala kasi akong problema

HATAWANni Ed de Leon HINDI na yata tumatanda si Sunshine Cruz? Aba kung titingnan mo ang kanyang picture …

Leave a Reply