Monday , November 29 2021

Suhulan posible sa pulong ni PNoy sa senators – Osmeña (Kaugnay sa BBL)

INIHAYAG ni Senador Sergio Osmeña III na posibleng may maganap na suhulan sa planong pakikipagpulong ni Pangulong Benigno Aquino III sa mga senador para pag-usapan ang pagsasabatas ng Bangsamoro Basic Law (BBL).

Ayon kay Osmeña, gagawin ang lahat  ni Pangulong Aquino matiyak lamang na lumusot ang bersiyon ng BBL na kanilang isinumite sa dalawang kapulungan ng Kongreso.

Wala rin balak si Osmeña na matulad ang Senado sa naganap na aniya’y ‘railroading’ sa BBL sa mababang kapulungan ng Kongreso.

Ibinunyag ni Osmeña, sa naturang pulong ay mayroong ‘goodies’ na ilalatag ang Pangulo at ito ang isang bersyon o uri ng pork na nakapaloob sa 2015 General Approriations Act (GAA).

Tinukoy ni Osmeña, wala rin siyang balak na maulit ang kasaysayan na nagkaroon ng kapalit ang pagboto ng ilang senador para ma-impeach sa puwesto si dating Chief Justice Renato Corona.

Paliwanag ni Osmeña, sakaling bumoto siya pabor sa BBL at dumalo siya sa pagpupulong, tiyak na iba agad ang magiging tingin sa kanya ng mamamayan at aakusahang nasuhulan.

Binigyang-linaw ni Osmeña, pabor siya at nais niya ng kapayapaan sa Mindanao ngunit kailanman ay hindi maaaring maimpluwensiyahan ng kahit sino ang kanyang magiging boto sa BBL at siya ay naniniwalang dapat amyendahan ang ilang probisyong nilalalaman nito.

Niño Aclan/Cynthia Martin

About hataw tabloid

Check Also

5 tulak nakalawit
DRUG DEN NABUWAG SA SUBIC

ARESTADO ang limang drug suspects habang nabuwag ang isang hinihinalang drug den ng mga awtoridad …

Driver sugatan sa ambush
KANDIDATONG KONSEHAL, 1 PA TODAS

PATAY sa pamamaril ng mga hindi kilalang suspek ang isang kumakandidatong konsehal at ang kanyang kasama …

300 bahay naabo sa Cebu

NATUPOK ang hindi bababa sa 300 bahay nang sumiklab ang sunog sa Brgy. Mambaling, sa lungsod …

Paslit na anak minolestiya
ng maelyang ama

HINDI na nakapagpigil  ang isang maelyang ama at pati ang sariling anak na 4-anyos ay ‘pinaglaruan.’ Naaresto …

Binata sinaksak ng tiyuhin sa QC

MALUBHANG nasugatan ang isang binata makaraang saksakin ng tiyuhin dahil sa matagal nang alitan na naungkat …

Leave a Reply