Ginang utas sa 2 kelot (Hinahanap inamin na kakilala)

PATAY ang isang 59-anyos ginang makaraan barilin ng dalawang hindi nakilalang lalaki matapos aminin na kilala niya ang hinahanap ng mga suspek kamakalawa sa Tondo, Maynila.

Binawian ng buhay habang isinusugod sa Gat Andes Bonifacio Medical Center (GABMC) ang biktimang si Carmelita Salac, ng Wagas Street, Tondo.

Ayon sa ulat ng pulisya, dakong 8 p.m. nang maganap ang insidente sa nabanggit na lugar.

Napag-alaman, nagtanong ang mga suspek sa biktima kung kilala niya ang isang nagngangalang Jimmy Soriano nang sinabi niyang oo, bigla siyang binaril ng isang suspek.

Leonard Basilio, may dagdag na ulat nina Mary Joy Sawa-An, Darwin Macalla, at Joshua Moya