Obrero utas sa PNR train

PATAY ang isang 33-anyos lalaki makaraan masagasaan nang rumaragasang tren ng Philippine National Train (PNR) sa Tondo, Maynila kahapon.

Binawian ng buhay habang dinadala sa Jose Reyes Memorial Medical Center ang biktimang si Domingo Aranda, laborer, ng Raxa Bago Street, Tondo.

Sa ulat kay Senior Insp. Joel Villanueva, station commander ng PS 7, dakong 8:57 a.m. nang maganap ang insidente sa Tayabas Street, Tondo.

Naglalakad ang biktima kasama ang katrabahong si John Carlo Cruz, 20, ng Dagupan St., Tondo, nang hindi mapansin ni Aranda ang paparating na tren kaya siya ay nasagasaan.

Leonard Basilio, may dagdag na ulat sina Mary Joy Sawa-An, Darwin Macalla At Joshua Moya