Sanhi ng pagtagilid ng PNR train iniimbestigahan pa

HINDI pa matukoy ng pamunuan ng Philippine National Railways (PNR) ang sanhi ng pagkakadiskaril ng tren nito nitong Miyerkoles. 

Magugunitang 80 ang sugatan sa naturang insidente nang dalawa sa tatlong bagon ng tren ang tumagilid habang naputol ang ilang bahagi ng riles.

Ayon kay PNR Spokesperson Paul de Quiros, mahirap bumuo ng konklusyon habang iniimbestigahan pa ang aksidente lalo’t nabatid na hindi driver’s error o makina ang naging sanhi nito. 

Sinisilip aniya ng PNR ang anggulong lumobo o nag-expand ang riles dahil sa sobrang init ng panahon. 

Sinisiyasat din ang sinasabing nawawalang angle bars na sumusuporta sa joints ng riles.

Jaja Garcia