Driver todas sa karambola ng 5 sasakyan

PATAY ang isang lalaki sa karambola ng limang sasakyan sa North Luzon Expressway (NLEx) northbound bahagi ng Valenzuela nitong Miyerkoles ng madaling araw. 

Kuwento ng mga driver na sangkot sa aksidente, unang tinumbok ng pampasaherong bus ang likuran ng closed van.

Habang bumangga ang closed van sa isa pang bus at elf truck na nasa harapan nito at sumalpok ang pampasaherong bus sa isang kotse.

Namatay ang driver ng closed van na si Eddie Omandac nang maipit.

Depensa ng bus driver na si Freddie Urbano, hindi kumagat ang preno niya kaya bumangga sa closed van. Nahaharap siya sa patong-patong na kaso. 

Rommel Sales