Tax evasion vs Napoles couple posible (Sabi ng DoJ)

INIHAYAG ng Department of Justice (DoJ), may probable cause para kasuhan ng tax evasion sa Court of Tax Appeals (CTA) si Janet Lim Napoles at asawa niyang si Jaime Napoles.

Sa 18-pahinang resolusyon, napatunayan nina Assistant State Prosecutors Stewart Allan Mariano at Mark Roland Estepa na may sapat na ebidensya para kasuhan ang mag-asawa para sa pinagsamang P61.18 milyong tax liability.

Sa reklamong inihain ng Bureau of Internal Revenue (BIR), saklaw ng halaga ang taxable years na 2004, 2006, 2008, 2009, 2010, 2011 at 2012.

Bukod sa maling impormasyong ibinigay ng mag-asawang Napoles, nabigo rin silang maghain ng income tax returns (ITRs).