Gabriela makitid – Palasyo

BINUWELTAHAN ng Palasyo ang militant women’s group na Gabriela at tinawag na makitid ang adbokasiya at lahat ay ginagawa matuligsa lang ang administrasyong Aquino.

Sagot ito ni Presidetial Spokesman Edwin Lacierda sa pahayag ng Gabriela na hindi dapat ikompara ni Pangulong Benigno Aquino III ang bayaning si Gabriela Silang sa kanyang inang si dating Presidente Corazon Aquino.

 “Masyado namang restrictive ang Gabriela. Makahanap lang ng puntos para banatan ang ating administrasyon ay gagawin lahat. Pero, I think, masyadong myopic ang pagtingin ng Gabriela,” ani Lacierda.

Kamakailan ay inihalintulad ni Pangulong Aquino ang kanyang nanay kay Gabriela Silang na walang takot na ipinagpatuloy ang ipinaglalaban ng pinaslang na asawa para sa pagbabago ng lipunang Filipino.

“And we believe that President Cory Aquino has done so much for the country. She has led the fight against dictatorship after the assassination of Senator Ninoy Aquino. She has brought so much hope. She has brought a reformed government—one that is not acknowledged only by Filipinos, but also acknowledged by the international community,” dagdag pa niya.

Rose Novenario