76-anyos cyclist nalasog sa truck

LA UNION – Agad binawian ng buhay ang isang lolo makaraan salpukin at masagasaan ng truck sa Brgy. Baccuit Sur, bayan ng Bauang, habang sakay ng kanyang bisikleta kahapon ng umaga.

Kinilala ang biktimang si Leopoldo Debad, 76-anyos

Batay sa inisyal na imbestigasyon ng mga awtoridad, inilahad ni Senior Insp. Judy Calica, deputy cheif of police ng Bauang Municipal Police Station, nagbibisikleta ang biktima sa kanang linya ng kalsada nang bigla siyang salpukin at nasagasaan ng truck na minamaneho ni Teofilo Moster, 35-anyos.

Nabatid mula kay Calica, sa dami ng nakaharang na mga bato sa kalsada dahil sa road construction ay tinangka ni Moster na iwasan ang mga ito ngunit hindi niya napansin ang nakabisikletang si Debad kaya nangyari ang aksidente.