Monday , August 8 2022

PCJ nababahala sa pandarahas sa Bulacan (Dahil sa recall election)

recall election bulacanNAALARMA ang Philippine Crusader for Justice (PCJ) dahil sa patuloy na pagkilos ng nakaupong gobernador ng Bulacan para pigilang matuloy ang recall election na nadesisyonan na ng Commission on Elections (COMELEC). 

Ayon kay Joe Villanueva, convenor ng PCJ, isang grupong nagsusulong ng hustisya, nakababahala ang umano’y paggamit ng Lingkod Lingap sa Nayon (LNN) at mga barangay health workers para pagbantaan ang mga residenteng benepisyaryo ng conditional cash transfer program na ititigil ang pagtanggap ng ayuda kung hindi babawiin ang pagpirma sa recall petition. 

Sa press release ng grupo, hinamon ni Villanueva si Governor Wilhelmino Sy-Alvarado na tanggapin ang  desisyon ng Comelec at harapin ang 319,707 registered voters at lehitimong residente ng lalawigan na pumirma sa petisyon.

Samantala, nagtataka ang grupong PCJ kung anong basehan ng inilabas na temporary restraining order (TRO) ni Malolos City RTC Branch 83 Judge Guillermo Agloro kahapon na pansamantalang pumipigil sa pag-usad ng proseso ng comelec para sa gaganaping recall election. 

Giit ni Villanueva “lutong Macau” at malinaw na pagbalewala ito sa inilabas na desisyon ng Supreme Court noong February 16, na nagbabasura sa kahalintulad na petisyon na inihain ng kampo ni Governor Sy-Alvarado. 

Dahil dito umaasa ang PCJ at mga residente ng Bulacan na makakakuha sila ng hustisya sa pag-upo ng bagong provincial election supervisor sa katauhan ni Atty. Jervie Cortez na hindi ipatutupad ang TRO sa darating na araw ng Lunes. (BS)

About hataw tabloid

Check Also

shabu drug arrest

P2.1-M shabu nasamsam 4 big time tulak timbog sa Pampanga at Bulacan

NADAKIP ang apat na pinaniniwalaang malalaking drug peddlers sa patuloy na pinaigting na kampanya laban …

Money Bagman

Instant milyonaryo
BULAKENYO TUMAMA SA LOTTO

NAGING instant milyonaryo ang isang mananaya mula sa Balagtas, Bulacan matapos mapanalunan ang jackpot sa …

080522 Hataw Frontpage

Sa GenSan
6 PATAY, 7 SUGATAN SA KARAMBOLA NG 3 SASAKYAN 

ANIM katao ang namatay habang pito ang sugatan sa naganap na banggaan ng tatlong sasakyan …

Kelot tumalon sa NAIA duguan pero nabuhay

Kelot tumalon sa NAIA duguan pero nabuhay

GRABENG napinsala pero nakaligtas sa kamatayan ang isang 26-anyos lalaki nang tangkaing magpakamatay sa pamamagitan …

Alcatraz Prison

Mala-Alcatraz na kulungan, itatayo para sa heinous crime convicts

MAGTATAYO ng mala-Alcatraz na pasilidad para sa bilanggong nahatulan sa heinous crimes, gaya ng murder, …

Leave a Reply