Monday , August 8 2022

House arrest ayaw ni John

040514 jpe enrileMISMONG si Senador Juan Ponce Enrile ang tumatanggi sa panawagang house arrest para sa kanya.

Inihayag ito ng anak niyang si dating Congressman Jack Enrile.

“He wants to go through the process, face his accusers, face the charges that are before him, answer them before the Filipino public and clear his name,” ayon sa nakababatang Enrile makaraan makausap ang amang nananatili sa Makati Medical Center.

“He’s in a fighting mood. He really wants to clear his name not only for himself but for his family as well.”

Samantala, pinasasalamatan aniya ng 91-anyos senador ang mga nagmumungkahing i-house arrest na lang siya para sa mga kasong plunder at graft kaugnay ng pork barrel scam.

Isang linggo na sa Makati Med ang mambabatas makaraan makaranas nang mataas na lagnat at ubong may dugo dahil sa sakit na pneumonia habang naka-hospital arrest sa Philippine National Police (PNP) General Hospital sa Camp Crame.

Ani Jack, gusto na rin ng kanyang ama na bumalik sa kulungan sa PNP.

“At least doon daw nasisinagan siya ng araw because he is allowed to walk around for about an hour a day and there are windows in his room.”

Kaugnay nito, sinabi aniya ng mga doktor, patuloy na bumubuti ang kondisyon ng senador at maaari na rin makabalik sa Camp Crame sa loob ng isang linggo.

“His infection has been reduced to about 50%… He is in good spirit and he was standing up already and walking about although not as strong as when I saw him last during his birthday,” ani Jack.

House arrest kay JPE unfair sa ibang preso — Miriam

MARIING tinutulan ni Sen. Miriam Defensor-Santiago ang hiling na i-house arrest si Sen. Juan Ponce Enrile.

Matatandaan, isinugod ang 91-anyos na akusado kaugnay sa pork barrel scam, sa Makati Medical Center dahil sa pneumonia.

Ayon kay Santiago, kapag isinailalim sa house arrest ang senador ay malinaw itong paglabag sa equal protection of the law.

Ginawa niyang halimbawa si dating Pangulo at ngayo’y Pampanga Rep. Gloria Macapagal-Arroyo na nasa ilalim ngayon ng hospital arrest.

Giit niya, kung edad lang ang pag-uusapan ay marami na ang namatay sa kulungan dahil sa katandaan habang hinihintay ang resulta ng kanilang apela sa korte.

Maigi pa aniyang gumawa na ng batas para sa lahat upang maiwasan ang special treatment.

Hindi rin kombinsido ang dating regional trial court judge, sa tunay na sakit ni Enrile.

“Eh ‘di kung ubuhin ka pala puwede ka na mag-house arrest?” sabi niya.

“Lahat na lang ng matatanda sa preso, sa kulungan, magke-claim din sila na may pneumonia sila. There will be an epidemic of pneumonia.” 

Cynthia Martin/Niño Aclan

About hataw tabloid

Check Also

080522 Hataw Frontpage

Sa GenSan
6 PATAY, 7 SUGATAN SA KARAMBOLA NG 3 SASAKYAN 

ANIM katao ang namatay habang pito ang sugatan sa naganap na banggaan ng tatlong sasakyan …

Kelot tumalon sa NAIA duguan pero nabuhay

Kelot tumalon sa NAIA duguan pero nabuhay

GRABENG napinsala pero nakaligtas sa kamatayan ang isang 26-anyos lalaki nang tangkaing magpakamatay sa pamamagitan …

Alcatraz Prison

Mala-Alcatraz na kulungan, itatayo para sa heinous crime convicts

MAGTATAYO ng mala-Alcatraz na pasilidad para sa bilanggong nahatulan sa heinous crimes, gaya ng murder, …

shabu drug arrest

3 bigtime tulak nalambat sa Pampanga

NAPIGIL ng pulisya sa lalawigan ng Pampanga ang pagkalat ng milyong pisong halaga ng ilegal …

Bulacan Police PNP

Alyas Waway timbog sa pagtutulak ng shabu 14 kalaboso sa Bulacan

NAHULOG sa mga kamay ng batas ang isang matinik na tulak sa isinagawang operasyon ng …

Leave a Reply