HATAW! D'yaryo ng Bayan hatawtabloid.com
ni Ed de Leon
SINASABI nila, malaki raw ang possibility na makagagawa ng isang pelikula sa Hollywood ang Miss World na si Megan Young. Sinasabi rin nila na nang dumalaw siya sa India kamakailan lamang, maraming producers naman sa Bollywood na interesado ring kunin at handa nang makipag-negotiate para maisama si Megan sa kanilang mga pelikula.
Pero rito sa atin, parang bumaba nga ang popularidad ni Megan nang magamit ang kanyang performance sa isang indie film na ginawa niya two years ago, na hindi naman kumita nang ilabas sa mga sinehan, o naipalabas nga ba? Alam naman ninyo rito, basta ang isang artista indie ang ginagawa, ang tingin ng karamihan parang second rate artist lang. Kasi ang karaniwang gumagawa naman ng mga indie mga hindi kilalang artista.
Kung hindi lumabas iyong indie na iyon ni Megan, parang mas maganda pa ang chances niya rito sa atin.
