Deniece, nabubungkal na ang mga itinatagong sikreto sa buhay

ni  Ed de Leon

MASASABI nga siguro ang talagang nangyayari ngayon ay bungkalan na lang ng lahat ng mga itinatagong sikreto sa buhay. Ang pinakahuling nabulgar ay nagtrabaho umano si Deniece Cornejo, ang nagbibintang ng rape laban sa komedyanteng si Vhong Navarro sa isang club sa Malate. At alam naman natin kung ano agad ang iniisip ng mga tao basta sinabing ang isang babae lalo na nga’t maganda ay nagtatrabaho sa isang club sa Malate.

Nagsimula lang iyon sa mga usap-usapan hanggang sa may lumabas pang ebidensiya, iyong kanyang lisensiya mula sa City Hall ng Maynila na nagbibigay pahintulot sa kanyang magtrabaho sa club na iyon, na ayos naman sa lumabas ding application niya para sa permit ay pinapasukan niya bilang isang “waitress”.

Kung iisipin mo, ano nga ba ang kinalaman niyon kung nagtrabaho man siya bilang waitress sa isang club, at saka bakit ngayon lang nakakalikot ang lahat ng iyan nang masangkot siya sa isang controversy? Pero ganoon yata talaga ang buhay eh.