HATAW! D'yaryo ng Bayan hatawtabloid.com
HATAWAN
ni Ed de Leon
SIGURO, sooner or later ay babalik na si Herbert Bautista sa kanyang pagiging komedyante. Roon naman siya magaling eh. Doon siya hihangaan ng mga tao. Nito nga lang bandang huli mukhang hindi magagandang projects ang naipagagawa sa kanya. Tipo bang naiinip siya kaya kahit ano na lang ang dumating ok na. Pero mali iyon eh.
Si Mang Dolphy noon, hindi mo mapagagawa iyan ng kahit na anong klase lang na pelikula. Pinag-aaralan niya iyon. Pati ang mga makakatapat niyang pelikula, pinag-aaralan niya. Kung natatandaan ninyo may panahong ayaw magsabay ng pelikula sa festival sina Mang Dolphy at FPJ. Mahahati kasi ang tao sa kanila.
Pinag-aaralan din ni Mang Dolphy pati kung sinong artista ang makakasama niya sa pelikula. Kung pabigat lang huwag na. Iyan ang mga bagay na hindi nila alam tungkol kay Mang Dolphy. Si Herbert, aminin man niya o hindi, hindi napag-aaralang mabuti ang kanyang mga project. Dapat baguhin na iyan.
