HATAW! D'yaryo ng Bayan hatawtabloid.com
PABONGGAHAN
ni Glen P. Sibonga
PATOK na patok sa netizens ang ginawang TikTok duet ni Yassi Pressman kasama ang tinaguriang bagong TikTok King na si Joshua Garcia.
Sa kanyang TikTok account, itinabi ni Yassi ang dance video ni Joshua sa kanyang kuha na tila tinatamaan ang kanyang ulo sa bawat galaw ng aktor.
“#duet with @iam.joshuagarcia sorry josh. I had to HAHA,” ani Yassi sa caption.
Nang mag-deadline kami, ang TikTok duet nina Yassi at Joshua ay mayroon nang mahigit sa 7 million views at mahigit sa 1 million likes.
Aliw din ang comments ng netizens dahil gusto nilang isumbong kay Cardo Dalisay si Joshua dahil sa ginawa nito kay Yassi sa video.
Si Cardo Dalisay ang role na ginagampanan ni Coco Martin sa FPJ’s Ang Probinsyano, na gumanap naman si Yassi bilang asawa ni Cardo na si Alyana.
