Saturday , May 28 2022
Aga Muhlach

Aga Muhlach ‘pinalibre’ ng CA ng P7.4-M

HATAWAN
ni Ed de Leon

NOONG isang araw ay may nagtanong sa amin kung ano ang masasabi namin sa desisyon ng CA na pinalibre si Aga Muhlach at ang kanyang dating manager na magbayad ng P7.4-M ng isang kompanyang kumuha sa kanya noon bilang endorser, dahil sa breach of contract.

Ang alegasyon ng kompanya, hindi kinompleto ni Aga ang bilang ng weight reduction sessions na kailangan niyang gawin para matamo ang ideal weight. Sa halip, may mga social media post na ginawa si Aga tungkol sa kanyang ginagawang diet para makapagbawas ng timbang at nagpupunta siya sa isang kilalang gym para mag ensayo para pagandahin ang hubog ng kanyang katawan, at iyon daw ay taliwas sa sistemang ginagamit ng kanilang kompanya na siyang nagbayad kay Aga bilang endorser. Sinabi nilang nilabag ni Aga ang kanilang kasunduan.

Ang kompanya ay pinanigan ng Makati RTC at inutusan nga si Aga at ang dati niyang manager na magbayad ng P7.4-M bilang danyos sa kompanya.

Umapela ang kampo ni Aga sa Court of Appeals, na kamakailan nga ay nagpalabas ng isang desisyon na binaliktad ang desisyon ng RTC, kaya nakalibre si Aga sa responsibilidad na magbayad ng P7.4 milyon.

Sa kanilang desisyon, sinabi ng CA na bagama’t totoong binayaran nga si Aga bilang endorser ng kompanya, hindi naman maliwanag sa kanilang kontrata na walang magagawang ibang paraan si Aga bukod sa sistema ng kompanya para makapagbawas ng timbang at ilagay sa ayos ang kanyang katawan. Sa kanilang pananaw, binayaran nga si Aga for advertising purposes na ginawa naman ng actor, pero ang kawalan nga ng probisyon sa kasunduan na nagbabawal sa kanyang gumawa ng ibang paraan para magbawas ng timbang ay maliwanag na walang nilabag si Aga, sabi ng CA.

Anong opinion ang ibibigay namin diyan? Hindi pa panahon eh. Ang desisyon ay maaari pang itaas ng complainant at iapela sa Korte Suprema, bagama’t kung gagawin nila iyon para sa simpleng kasong iyan, aabutin sila ng maraming taon pa sa dami ng kasong nakahain sa SC.

Ang masasabi lang siguro ng complainant, maaaring hindi nga nakasulat sa kontrata ang mga prohibition pero ang mga iyon ay presumed na napagkasunduan na rin nang kunin nilang endorser ang actor. Pero sa opinion nga ng CA, hindi puwede iyang presumptions eh, kailangan specified kung ano man ang napagkasunduan.

Halimbawa, hindi maibabawal ng isang fabric conditioner sa kanilang  endorser na nagsasabing pinababango niyon ang mga nilabhang damit na sabihin ng kanilang endorser na gumagamit siya ng cedar wood sa kanyang closet para mapanatiling maganda ang amoy ng kanyang damit kung hindi iyon nakasaad sa kanilang kasunduan. Iyang desisyon ng CA sa kaso ni Aga ang magbubukas sa isipan ng mga ad agency na kailangang specified sa kanilang kontrata ang lahat ng puwede at hindi

puwedeng gawin ng kanilang endorser.

 In the first place hindi naman sinadya ni Aga ang kanyang ginawa para kalabanin ang ine-endorse niya.

About Ed de Leon

Check Also

Baron Geisler Pusoy

Baron nahiya sa 7 daring scenes sa Pusoy; Kung kailan nag-40 at saka naghubad

SHOWBIZ KONEKni Maricris Valdez Nicasio PITONG sexy scenes ang sinalangan ni Baron Geisler sa Pusoy ng Vivamax na mapapanood na simula …

Kathryn Bernardo Family

Kathryn Bernardo ambassador na ng Biogesic

IKINASIYA at ikinakilig ni Kathryn Bernardo ang pagiging health ambassador ng pinaka-pinagkakatiwalaang brand para sa sakit ng …

Marian Rivera Rhea Tan Bea Alonzo Beautederm

Ms. Rhea Tan super-kilig na may Marian na, may Bea pang endorsers ang Beautederm

ALAM MO NA!ni Nonie Nicasio AMINADO angPresident at CEO ng Beautéderm na si Ms. Rhea …

Xian Lim Barbie Imperial

Xian nagpaliwanag sa kumakalat nilang litrato ni Barbie 

MA at PAni Rommel Placente BINIGYANG linaw ni Xian Lim sa interbyu sa kanya ng pep.ph ang pang-iintriga sa kanila ni Barbie Imperial dahil sa kumalat na litrato nila habang nasa lobby ng isang …

Vince Tañada Ang Bangkay

Vince umaasang maisasali sa mga filmfest abroad ang Ang Bangkay

HARD TALKni Pilar Mateo SINO Ang Bangkay!  Si Don Segismundo Corintho, ang biyudong embalsamador. Na ginagampanan ni Vince …