Friday , May 27 2022
Romano Vasquez

Burol ni Romano punumpuno ng bulaklak

HATAWAN
ni Ed de Leon

ANG latest, hanggang Biyernes pa raw ng gabi ang burol ng yumaong actor na si Romano Vasquez. Punompuno ng bulaklak ang tabi ng kanyang kabaong na sa palagay namin ay gusto niya, dahil natatandaan namin noong araw tuwang-tuwa siya kung maraming sampaguitang ibinibigay sa kanya.

Maraming mga usapan tungkol sa maagang pagpanaw ni Romano. Marami ang naniniwala na bata pa siyang masyado para mawala. Edad 51 lang siya. Wala naman siyang malubhang sakit. Pero talagang ganoon lang ang buhay. Hindi mo naman alam talaga kung hanggang kailan lang ang buhay mo.

Sa ngayon marami ngang usapan pero naniniwala kami na dapat nga sigurong may mga bagay na hindi na dapat pag-usapan ng publiko. Karapatan naman ng kanyang pamilya ang hinihingi nilang privacy lalo na sa panahon ng kanilang kalungkutan. Palagay namin dapat makiramay na lang muna tayo.

Isa si Romano sa mga bata na naging close talaga sa amin noong panahon ng That’s Entertainment. Siguro nga masasabi naming iyang si Romano ay isa roon sa marami kaming alam na sikreto, kasi siya rin naman ang nagkukuwento at minsan ay inihihingi niya ng advice. Marami ang hindi nakaiintindi kay Romano, pero ang totoo napakabait na bata niyan.

The last time na nakausap namin si Romano, inaalok pa niyaBkaming sumama sa kanyang negosyo na maganda naman kaya lang hindi naman kami handang mamuhunan noong mga panahong iyon. Nalaman na lang namin malaki na ang negosyo niya. Kung may naging problema man later on, iyon ang hindi na namin alam.

Siguro kaya rin naging close kami kay Romano, at nagtiwala rin siya sa amin ay dahil sa katotohanang lahat ng mga nauna niyang mentors ay mga kaibigan din namin. Marami kaming kuwento niyan na ewan kung kailan ba matatapos kung sisimulan namin. Noong huli nga kaming magkita, na matagal na rin naman, inabot kami ng halos hatinggabi na ang pinagkukuwentuhan lamang ay iyong mga pangyayari noong mga nakaraang panahon.

Siguro nga masasabi naming isa kami sa nanghihinayang dahil sa maagang pagyao ni Romano. Siguro kung hindi siya nawala agad, marami pa siyang magagawa at marami pang matutulungang iba.

About Ed de Leon

Check Also

Xian Lim Barbie Imperial

Xian nagpaliwanag sa kumakalat nilang litrato ni Barbie 

MA at PAni Rommel Placente BINIGYANG linaw ni Xian Lim sa interbyu sa kanya ng pep.ph ang pang-iintriga sa kanila ni Barbie Imperial dahil sa kumalat na litrato nila habang nasa lobby ng isang …

Vince Tañada Ang Bangkay

Vince umaasang maisasali sa mga filmfest abroad ang Ang Bangkay

HARD TALKni Pilar Mateo SINO Ang Bangkay!  Si Don Segismundo Corintho, ang biyudong embalsamador. Na ginagampanan ni Vince …

Kris Aquino Lolit Solis

Lolit Solis naiyak sa sulat ni Kris Aquino

MA at PAni Rommel Placente SABI ni Lolit Solis noong kaarawan niya, May 20, nagpadala sa kanya …

Lance Raymundo, Chotto Matte Kudasai

Lance handang mag-frontal sa pelikula

MATABILni John Fontanilla HANDANG tumodo sa pagpapa-sexy si Lance Raymundo sa pelikula. Tsika ni Lance nang makausap …

Jomari Yllana, Abby Viduya, Priscilla Almeda

Abby masaya sa pagwawagi ni Jomari

MATABILni John Fontanilla MASAYANG-MASAYA si Abby Viduya sa pagkapanalo ni Jomari Yllana bilang councilor ng District 1 ng  Parañaque. …