Friday , March 29 2024
Coco Martin McCoy de Leon Bayani Agbayani Noli de Castro Kuya Germs

Coco at iba pang deboto ng Nazareno nalungkot sa paghihigpit ng pulisya

HATAWAN
ni Ed de Leon

NALUNGKOT kami sa sitwasyon kahapon, na binabantayan ng pulisya ang lahat ng daan malapit sa simbahan ng Quiapo, para hindi makadikit man lang sa ipinasarang simbahan ang mga deboto ng Nazareno. Para bang ang palagay nila, ang sobrang kinatatakutan nilang virus ay nanggagaling sa simbahan.

Marami sa ating mga star ang deboto rin ng Nazareno, na naghapahayag ng kalungkutan sa matinding paghihigpit na ginawa sa pista. Kabilang sa mga debotong nalungkot ay ang action star na si Coco Martin, na nagsabing marami siyang biyaya na natanggap sa pamamagitan ng debosyon sa Nazareno.

Inalala rin ni Mc Coy de Leon kung paano siya matagumpay na nakasampa sa andas ng Nazareno, isa sa mga pangarap na gawin ng lahat ng mamamasan, at nakahawak siya hindi lang sa krus kundi sa kamay mismo ng imahen.

Nagsabi rin ang komedyanteng si Bayani Agbayani na sa Nazareno siya tumatawag para sa kaligtasan ng kanyang pamilya.

Ganoon din naman si Kabayang Noli de Castro, na kahit noong panahong vice president siya ng Pilipinas ay kasama ng mga karaniwang mamamasan sa Quiapo.

Ang hindi namin makalimutan ay ang kuwento ni Kuya Germs. Nanalangin siya sa Nazareno na sana magkaroon siya ng trabaho kahit na janitor lang at napasok nga siyang janitor sa Clover Theater. Nag-ambisyon daw siyang maging artista, at sa isang cenakulo sa Clover, hindi nakarating ang actor na gaganap na Kristo. Nagulat na lang siya nang iutos ni Don Jose Zara na siya ang ipalit doon. Dahil diyan, talagang taon-taon ay hindi nakalilimot si Kuya Germs sa kapistahang ng Nazareno. Ganoon din naman sa pista ng Sto.Nino sa Tondo.

Nakalulungkot na yumao si Kuya Germs, anim na taon na ang nakararaan sa bisperas ng Nazareno. Kaya nga tuwing pista naman ng Nazareno ay ipinagtitirik namin ng kandila si Kuya Germs sa simbahan ng Quiapo, pero dalawang taon na rin kaming pumapalya dahil sa pandemic. Kahapon nga, mas nakalulungkot dahil hindi man lang kami nakalapit kahit na sa saradong simbahan.

Gayunman, naniniwala kaming ano mang paghihigpit at panghaharang ang gawin sa mga deboto, mananatili pa rin ang Nuestro Padre Jesus Nazareno sa pagbibigay sa atin ng biyaya at lakas ng loob lalo na sa panahong ito ng pandemya.

About Ed de Leon

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Marian Rivera My Guardian Alien

Marian sa alien—parang ang sarap niyang maging kaibigan

RATED Rni Rommel Gonzales NATANONG ang Kapuso Primetime Queen, Marian Rivera kung naniniwala ba siya na totoong …

Donny Pangilinan Belle Mariano DonBelle Cant Buy Me Love

Serye ng DonBelle laging nasa Top 10 sa Netflix

AYON sa lead stars ng top-rating series na Can’t Buy Me Love na sina Donny Pangilinan at Belle Mariano, mas …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Vina Morales

Vina Morales nanibago, natuwa sa muling paggawa ng pelikula

PUSH NA’YANni Ambet Nabus LAST 2015 pa pala huling nakagawa ng movie si Vina Morales with Robin Padilla. …