Wednesday , July 24 2024
Kathryn Bernado, Daniel Padilla, KathNiel
Kathryn Bernado, Daniel Padilla, KathNiel

KathNiel gagawa ng serye para sa ika-10 anibersaryo

HATAWAN
ni Ed de Leon

SAMPUNG taon na pala ang love team nina Daniel Padilla at Kathryn Bernado. Pero hindi sila ang unang love team ha. Unang nakatambal ni Kathryn si Kristoffer Martin na hindi masyadong nag-click. Tapos na-build-up sila bilang love team ni Albie Casino roon sa remake ng Mara Clara. Kaso isinabit naman ni Andi Eigenmann noong magbuntis siya at inamin ginawa nila iyon dahil takot silang malaman ni dating Pangulong Joseph Estrada na si Jake Ejercito nga ang nakabuntis sa kanya. Bumagsak ang popularidad ni Albie.

Itinambal din si Kathryn kay Enrique Gil na hindi rin masyadong kinagat ng publiko. Tapos halos nakalimutan na ngang nakatambal din niya si Khalil Ramos.

Talagang kinilig lang ang fans noong itambal siya kay Daniel. Sobrang pogi naman kasi si Daniel noong panahong iyon na kahit yata sino itambal sa kanya kikiligin ang fans. Si Daniel ang nagdala ng love team noong una, pero sa pagdaan ng panahon, naka-establish ng fan base si Kathryn, kaya nakagawa siya ng box office history hindi lamang sa pelikula nila ni Daniel, kundi maging noong ang katambal niya ay si Alden Richards. Iyong kumite ng halos P1-B ang pelikula nila ni Daniel, expected iyon. Pero nang kumita ng ganoon din ang pelikula niyang kasama si Alden, iba iyon. Walang ganoong hit si Alden. Iyon ngang serye niya ngayon sa TV nagkaroon pa ng season break eh.

Anyway dahil sa sampung taon ng kanilang love team, gagawa silang muli ng isang serye sa free tv. Tiyak iyan ay mapapanood sa TV5 at doon sa tv station ng Jesus Is Lord, na ginawa nilang A2Z na ngayon. Bukod nga iyan sa cable channel ng ABS-CBN at sa internet. May ginawa rin naman silang internet series na natapos noong Enero pero hindi napansin, Kasi nga bihira naman ang nanonood sa internet na may bayad pa.

At least iyan, na gagawin sa ilalim ng business unit ni direk Ruel Bayani, parang pasasalamat din iyan sa fans na nagtaguyod sa kanila ng sampung taon, at tiyak iyon ang gagamiting formula na kung paano nila napanatili ang kasikatan sa loob ng 10 taon. Ngayon wala nang love team ang tumagal ng ganyan.

About Ed de Leon

Check Also

Bong Revilla Jr Denver Chua Jolo Revilla Cavite

200 + pamilyang biktima ng sunog sa Cavite City dinalaw ni Senator Bong

DINALAW ni Senator Ramon “Bong”Revilla, Jr., ang mahigit sa 200 pamilyang nasunugan sa Brgy. 5 …

Benhur Abalos Perci Intalan

Birthday ni Sec Benhur dinaluhan ng mga kaibigan sa showbiz at politics; Direk Perci sinagot pasaring ni Atty. Topacio

PUNOMPUNO ang EDSA Shangri-la Hotel noong Biyernes dahil mula sa mga kaibigan   sa showbiz at politics …

Quinn Carillo Christine Bermas Itan Rosales Kaskasero

Christine nakatulong pagiging palaban sa pagpasok sa Wil to Win

SHOWBIZ KONEKni Maricris Valdez Nicasio KAPWA magaling na aktres sina Quinn Carillo at Christine Bermas ng Vivamax kaya mula sa  pagpapa-sexy ay …

Marian Rivera Kath Melendez Nekocee

Kath Melendez ng Nekocee na-starstruck kay Marian

SHOWBIZ KONEKni Maricris Valdez Nicasio MALAKING challenge para sa production ng Cinemalaya movie ni Marian Rivera, ang Balota kung paano siya …

Nora Aunor Maricel Soriano Alden Richards

Nora, Maricel, at Vilma triple tie for best actress sa 40th Star Awards

ni ROMMEL GONZALES TABLA, yes it’s a tie sina Dingdong Dantes at Alden Richards bilang Movie Actor of the …

Leave a Reply

Your email address will not be published. Required fields are marked *