I-FLEX
ni Jun Nardo
MATAPOS maglibot sa iba’t bang international film festivals, mapapanood na sa bansa ang Metro Manila Film Festival entry na Kun Maupay Man It Panahon (Whether The Weather Is Fine).
Bida sa movie sina Charo Santos at Daniel Padilla.
Ang isa pang MMFF entry na bahagi si Atty. Joji Alonso ng Quantum Films ay ang Big Night na idinirehe ni Jun Lana. Cast dito sina Christian Bables, Ricky Davao, Janice de Belen, Nico Antonio, at iba pa.
Wala nang urungan pa sa 2021 Metro Manila Film Festival na magsisimula sa December 25 ang walong entries na mapapanood sa mga sinehan!
