Kristoffer at GF ceasefire na

MABUTI naman at hindi na nasundan ang pakikipagtungayawan ni Kristoffer Martin laban sa kanyang dating live-in partner at nanay ng kanyang anak na si AC Banzon.

Ipagpalagay na nating may katuwiran siya, parang hindi pa rin tama na ang isang lalaki ay magsasalita ng hindi maganda lalo na sa isang babae, lalo na nga’t naging karelasyon mo ng pitong taon, at naging nanay pa ng anak mo. Rito sa atin sabihin mo mang tama ka, naging kaugalian na  na hindi pinapatulan ang isang babae. At para ang isang babae ay makipag-relasyon sa isang lalaki ng pitong taon matindi iyon. Nagmahalan din naman sila, at dahil kailan lang naghiwalay, parang tampuhan lang iyan. Hindi mo masasabing final na ang paghihiwalay na iyan.

Mabuti tumahimik na sila.

HATAWAN
ni Ed de Leon