Joel Palencia, nagpaliwanag: ‘Di kami inalis sa EB

NAGPALIWANAG iyong isang member niyong That’s My Bae ng Eat Bulaga, iyong si Joel Palencia na hindi naman daw sila inalis na lang sa afternoon show, kundi nawala iyong segment na dati nilang ginagawa at ngayon ay guest na lang sila paminsan-minsan kung kailangan. Kaya pala nabalita ring iyong kanilang top winner noon na si Kenneth Medrano ay nagbalik na rin sa Cebu.

Ganoon naman talaga ang showbiz. Makakapasok ka, ang tanong ano pa ba ang ibang magagawa mo para ka tumagal? Nakapasok sila dahil sa pagsasayaw noon, noong hindi na sila uso at walang ibang magawa sa kanila, natural iyong pagpahingahin muna sila.

Hindi naman katungkulan ng isang show na iyong mananalo sa kanilang contest ay alagaan na nila habambuhay. Paano naman iyong mga bagong talents? Doon lang sa That’s Entertainment nangyari noon na hindi nag-aalis ng talents dahil talagang matiyaga si Kuya Germs.

HATAWAN
ni Ed de Leon