Wednesday , October 5 2022

Sa Sta. Maria, Bulacan: Magkapatid na nalunod sa ilog bangkay na natagpuan

WALA nang buhay nang matagpuan noong Sabado, 24 Oktubre, ang mga katawan ng magkapatid na nalunod sa ilog sa bayan ng Sta. Maria, sa lalawigan ng Bulacan habang nasa kasagsagan ang ulang dulot ng bagyong Pepito.

Ayon kay Joralyn Terez, ina ng magkapatid, nagkayayaang maligo sa ilog sa Macaiban Bridge ng kaniyang dalawang anak na sina Princess, 12 anyos, at Justin, 10 anyos, kasama ang isa nilang pinsan.

Kasalukuyan aniya siyang nasa trabaho noon kaya hindi niya alam na ang mga anak ay nagpunta sa ilog para maligo.

Dahil malakas ang buhos ng ulan dala ng bagyong Pepito at rumaragasa ang tubig sa ilog, nalunod ang isa sa magkapatid.

“Itong panganay ko, natawagan ‘yung kapatid niya kaya sumunod doon sa ilog. Tapos nakita niya siguro nalulunod na ‘yung kapatid niya, e, gusto niya sagipin. Hindi naman siya marunong lumangoy,” ayon kay Terez.

Hindi na nakayanan ng panganay na sagipin sa pagkalunod ang bunsong kapatid kaya kapwa na sila inanod ng malakas na agos ng tubig.

Tumagal nang dalawang araw ang retrieval operation upang mahanap ang magkapatid na natagpuan ang mga bangkay may isang kilometro ang layo sa lugar kung saan sila nalunod.

MICKA BAUTISTA

About Hataw Tabloid

Check Also

Genesis Gallios

Bagong production ni Genesis Gallios inilunsad 

MA at PAni Rommel Placente NAGING matagumpay ang birthday show/dinner ng tinaguriang Queen of the …

Bulacan

Mahigit 4,000 na evacuees sa Bulacan bumalik na sa kanilang mga tahanan matapos ang Super TY Karding

MAY kabuuang 4,760 na indibidwal ang ligtas nang nakabalik sa kanilang mga tahanan noong Martes, …

5 rescuers na nasawi sa Bulacan bibigyan ng espesyal na pagpupugay

5 rescuers na nasawi sa Bulacan bibigyan ng espesyal na pagpupugay

 ISANG espesyal na pagpupugay para parangalan ang limang ‘bayaning tagapagligtas’ na nasawi habang nagliligtas ng …

Hinigop ng rumaragasang tubig sa kanal…
2-TAONG GULANG NA BATANG LALAKI, NAMATAY SA PAGKALUNOD

BANGKAY na nang matagpuan sa nagpuputik na palayan ang isang batang lalake matapos na mahulog …

Bulacan Police PNP

Bulacan police umiskor
MAHIGIT 765K HALAGA NG DROGA NAKUMPISKA, 15 DRUG SUSPEK NALAMBAT AT 6 NA LAW OFFENDERS NAI-HOYO

TINATAYANG aabot sa mahigit 765K halaga ng iligal na droga ang nakumpiska habang 15 drug …

Leave a Reply