Monday , November 29 2021
internet slow connection

PH Internet makupad kulelat sa Asya

BINATIKOS ni Senador Imee Marcos ang hindi pagbibigay ng prayoridad ng pamahalaan para maisayos ang mabagal na internet connection sa bansa ngayong nahaharap ang buong mundo sa sinasabing “new normal” bunsod ng pandemyang COVID-19.

Dahil dito, nanawagan si Marcos, chair ng Senate committee on economic affairs, sa Department of Information and Communications Technology (DICT) na mag-level up dahil ito ang hinihingi ng panahon, at tiyakin na mabibigyan ng prayoridad ang digital infrastructure gaya ng pagbibigay importansiya sa public works at  transportation projects sa ilalim ng Build Build Build program.

“Level up na tayo DICT! Nangungulelat tayo sa buong Asya pagdating sa internet speed. Matagal na tayo dapat nag-upgrade, pero hanggang ngayon nasa 3.5 mbps lang tayo,” ayon kay Marcos.

Sinabi ni Marcos, dinaig pa ang Filipinas ng mas maliliit na ekonomiya gaya ng Laos, Myanmar, at Cambodia pagdating sa internet speed. At kung ikokompara naman sa mauunlad na estado tulad ng Singapore at Hong Kong, halos 19 hanggang 22 times na mas mabilis, ayon sa Ookla Net Index na kilala sa buong mundo pagdating sa pag-test ng internet performance.

“Mabagal na internet speed dagdag pa ang limitadong online access, ang resulta niyan ay makupad na ekonomiya at mababang uri ng pamumuhay, pahirap lalo sa mga lokal na pamahalaan na nasa liblib na lugar sa bansa,” ani Marcos.

Dagdag ni Marcos, mas magiging matagumpay ang gobyerno sa contact tracing, online education,

e-commerce, e-jobs at maging sa pagresolba ng krimen at paglulunsad ng eleksiyon sa hinaharap kung mapagbubuti at mapaghuhusay ang digital infrastructure ng bansa.

Inungkat din ni Marcos ang pagpasok ng ikatlong telco player na tila natabunan na.

“At ano na nga ba ang nangyari dito sa third telco player?  Naghihintay ang publiko sa kung anong update meron ang DICT sa kanyang mga project,” dagdag ni Marcos. (CYNTHIA MARTIN)

 

About Cynthia Martin

Check Also

5 tulak nakalawit
DRUG DEN NABUWAG SA SUBIC

ARESTADO ang limang drug suspects habang nabuwag ang isang hinihinalang drug den ng mga awtoridad …

Driver sugatan sa ambush
KANDIDATONG KONSEHAL, 1 PA TODAS

PATAY sa pamamaril ng mga hindi kilalang suspek ang isang kumakandidatong konsehal at ang kanyang kasama …

300 bahay naabo sa Cebu

NATUPOK ang hindi bababa sa 300 bahay nang sumiklab ang sunog sa Brgy. Mambaling, sa lungsod …

Paslit na anak minolestiya
ng maelyang ama

HINDI na nakapagpigil  ang isang maelyang ama at pati ang sariling anak na 4-anyos ay ‘pinaglaruan.’ Naaresto …

Binata sinaksak ng tiyuhin sa QC

MALUBHANG nasugatan ang isang binata makaraang saksakin ng tiyuhin dahil sa matagal nang alitan na naungkat …

Leave a Reply