HATAW! D'yaryo ng Bayan hatawtabloid.com
KAYA nga sinasabi naming talagang napapanahon iyong madalas nating makitang paalala sa telebisyon na ginawa ng mga Kapamilya stars na nagsasabing “a mask is a must.” Si Coco Martin pa mismo ang nangunguna riyan sa kampanyang iyan, kasama ang iba pang stars ng Ang Probinsiyano. Siyempre malakas ang impluwensiya niyan, isipin ninyo iyong apat na taon na silang top rater.
Sumunod na rin naman ang iba pang stars mula sa ibang serye, kagaya ng mga star ng Love Thy Woman at Lihim ni Ligaya, na nagsasabi na rin kung bakit lubhang kailangan ang pagsusuot ng face mask lalo na at kung ikaw ay lalabas sa may maraming tao.
Napakagandang proyekto niyan na ginawa ng mga star mismo.
HATAWAN
ni Ed de Leon
