Friday , March 29 2024

Hazard pay sa frontliners hirit ng mambabatas

AGAD nanawagan si Senator Risa Hontiveros na  mabigyan ng hazard pay ang ‘government frontliners’ na humsharap laban sa coronavirus disease (COVID-19).

Tinutukoy ng senadora ang health workers, government service workers, sundalo, pulis at mga miyembro ng security force.

Diin ni Hontiveros, malaki ang isinasakripisyo ng nasabing sektor kaya dapat silang ituring na mga bagong bayani para hindi na lumala pa ang sitwasyon at agaran mabigyan ng tulong ang mga apektado.

Paliwanag ni Hontiveros, sa ilalim ng Republic Act 7305 o ang Magna Carta of Public Health Workers, ang mga doktor, nurse at iba pang health workers sa pampublikong sektor na nahaharap sa panganib sa pagtupad ng  kanilang tungkulin ay dapat bigyan ng karagdagang hazard pay na hindi bababa sa 25 porsiyento ng kanilang buwanang suweldo.

Ang panawagan ng senadora ay hindi lang para sa puclic sector dahil kailangan din sa pribadong sektor na bigyan ng dagdag benepisyo ang mga taga-media, guwardiya, bank tellers, shopping attendants, at ang mga hotel and restaurant workers.

Samantala, pinapurihan ni Senator Grace Poe ang mga korporasyon na nag-anunsiyo ng payment extensions kasunod ng ipinatutupad na ‘community quarantine.’

Kinilala ni Poe ang kahalagahan ng pagtugon ng mga nasa pribadong sektor para sa kanilang mga kustomer o consumer at para tiyakin ang patuloy na serbisyo.

Una nang nag-anunsiyo ang Globe, Smart PLDT, Skycable, at GSIS na magpapatuloy ang kanilang serbisyo kahit sumang-ayon sila sa payment moratorium.

Kasabay nito, ang panawagan ni Poe sa iba pang mga pribadong korporasyon na palawigin na rin ang deadline ng pagbabayad ng kanilang mga kliyente dahil sa sitwasyon ngayon ng COVID-19.

Kabilang sa mga nabanggit ng senadora ang mga banko at private and government financial institutions at ang kanyang apela ay huwag muna maningil ng multa dahil sa naantalang pagbabayad ng obligasyon.(CYNTHIA MARTIN)

About Cynthia Martin

Check Also

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Leave a Reply

Your email address will not be published. Required fields are marked *