Friday , March 29 2024

Pinoys na uuwi sa bansa sasailalim sa 14-day quarantine

TINIYAK ni Senator Christopher “Bong” Go na makauuwi sa bansa ang mga naninirahan o nagtatrabahong Filipino sa China sa gitna ng kinatatakutang novel coronavirus.

Gayonman, binigyang diin ni Go na kailangang sumailalim sa 14-day quarantine ang mga uuwing Pinoy.

Sinabi ni Go, ito ay para sa kanilang kalig­tasan at ng mga taong kanilang makasasa­lamuha.

Nilinaw din ni Go, ipagbabawal ng pamaha­laan ang pagbiyahe ng mga Filipino patungong Hong Kong at iba pang mga lugar sa China.

Binigyang diin ni Go, kung estrikto dati ang pamahalaan, mas hihigpitan nito ngayon ang pagtanggap ng mga biyaherong papasok sa Filipinas.  

Kaugnay nito, tiniyak ni Go, mayroon nang magagamit ang Department of Health (DOH) para maisagawa ang mga confirmatory test sa mga suspected case ng novel coronavirus sa bansa.

Sinabi ni Go, base sa kanilang pag-uusap ni Health Secretary Francis­co Duque, may ipinahi­ram na gamit ang Japan sa Filipinas para ma-check ang mga hinihi­nalang kaso ng corona­virus.

Aniya, kung dati ay inaabot nang isang linggo para malaman ang resulta ng laboratory test, ngayon ay ilang araw na lamang kaya mas mabilis ang pagtugon ng health authorities.

Mariing habilin ni Go sa publiko, sundin ang payo ng health officials para makaiwas na mahawa ng  virus gaya na pagpapanatiling malinis ang paligid, malinis ang katawan at agad na magtungo sa mga ospital kung  maka­ramdam ng ilang sintomas.

Kinalma rin ni Go ang publiko, at sa halip ay makiisa sa advisory ng health officials upang makatulong sa paglaban at pag-iwas ng pagkalat ng nCoV sa bansa.

(CYNTHIA MARTIN)

 

 

About Cynthia Martin

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *