Tuesday , May 28 2024

Bakit nga ba laging may pelikula si Vice Ganda sa MMFF?

BAKIT may mga pelikulang kagaya ng The Mall the Merrier ni Vice Ganda sa Metro Manila Film Festival? Ganyan ang tanong na sinagot naman ng tanong din ni Vice,“ bakit nga ba kasali ang pelikula namin palagay mo?”

Aminin natin, iyang MMFF ay isang trade festival. Bagama’t isa sa mga layunin ng festival na iyan ay mailabas ang pinakamahuhusay na obra ng mga gumagawa ng pelikulang Filipino, hindi natin maikakaila na ang isa sa layunin niyan ay makalikom ng pondo para sa mga manggagawa sa industriya ng pelikula, para labanan ang piracy at iba pa. Ibig sabihin ang festival ay kailangang kumita.

Nakuha ng festival na iyan ang sinasabing pinakamalakas na playdate sa buong isang taon, nang makumbinsi noon ni Presidente Erap Estrada, na noon ay presidente ng PMPPA, at ni Secretary Gimo de Vega ang dating Pangulong Ferdinand Marcos na gumawa ng batas at ideklarang iyang panahong iyan isasagawa ang festival. Pumayag naman at nakipagtulungan ang mga sinehan, pero natural sisiguruhin din naman nila na kikita sila sa panahon ng festival. Iyan ang panahong kumikita talaga ang mga sinehan, eh kung hindi kikita ang pelikulang ipalalabas mo paano ka?

Nagbabayad ka rin ng 13thnmonth pay sa mga empleado mo. Nagbibigay ka rin ng bonus. Puro holidays iyan, ibig sabihin may holiday pay ang mga empleado. Paano kung hindi kumikita ang pelikula?

Iyan ang dahilan kung bakit kailangang may mga pelikulang kagaya nina Vice Ganda at Vic Sotto

kung festival. Iyan ang assurance na kikita ang festival eh. May panahong inalis nila iyan, hindi ba bumagsak ang kabuuang kita ng festival?

Aminin din natin, mas marami ang bumubuo ng masa sa Pilipinas kaysa riyan sa sinasabing mga kritiko na karamihan gumagamit pa ng festival pass at hindi nagbabayad sa sine. Ang gusto ng masa iyang mga pelikulang comedy. Ipagkakait ba ninyo sa kanila ang karapatang maging masaya kung panahon ng Pasko? Ngayon, maliwanag na ba kung bakit laging may pelikula sa festival si Vice Ganda?

HATAWAN
ni Ed de Leon

 

About Ed de Leon

Check Also

Diwata

Diwata ayaw magseryoso sa lalaki — baka mawalan ako ng puhunan, maubos

SHOWBIZ KONEKni Maricris Valdez Nicasio MALAYONG-MALAYO na talaga ang naabot ni Diwata mula sa pagiging walang-wala ngayo’y …

Carlo J Caparas

Direk Carlo pumanaw sa edad 80

I-FLEXni Jun Nardo PUMANAW na ang batikang Comics King, novelist, writer, at director na si Carlo …

tiktok

Mga artista naisasantabi dahil sa mga Tiktokerist 

I-FLEXni Jun Nardo PISTA ng Holy Trinity kahapon sa lugar namin sa Balic-Balic, Sampaloc. Kaya …

blind item woman man

Television/event host gigil sa baho ng male starlet

HATAWANni Ed de Leon MAY isang television at event host na pilit kaming pinaaamin kung …

Leo Dominguez Ogie Alcasid

Manager ni Ogie na si Leo Dominguez namaalam na rin

NAUNA lang ng isang araw kay direk Carlo Caparas, namatay naman ang talent manager na si Leo …

Leave a Reply

Your email address will not be published. Required fields are marked *