Friday , March 29 2024

EDDYS Choice, imposibleng magawan ng milagro, wala ring dagdag-bawas

ISINUSULAT namin ang column na ito, hindi pa namin alam kung sino ang mga nanalo sa ikatlong Eddys, o iyong Entertainment Editors’ Choice. Nagbotohan na sila the day before, pero walang nakaalam kung ano ang resulta dahil iyon ay ipinasa nila agad sa isang accounting firm na siyang gagawa ng tabulation ng kanilang mga boto.

Maski ang mga miyembro hindi alam kung sino talaga ang nanalo. Bale lalabas lamang iyon matapos na opisyal na basahin ang mga winner na nakasulat sa isang papel na iaabot lamang sa mga presenter sa oras na ibibigay na ang awards.

Pero hindi mo masasabing may makagagawa ng milagro, dahil pagkatapos ng awards, obligado ang accounting firm na isumite sa Eddys ang kanilang ginawang tabulation, kabilang na ang mga orihinal na balotang sinulatan ng mga miyembro. Wala mang pangalan nila ang mga balota, kung ikaw naman ang sumulat niyon, tiyak makikilala mo kung ikaw iyon o hindi. Kaya hindi maaaring magdagdag, magbawas, o magpalit ng balota ang sino man matapos na sila ay makaboto hanggang sa maideklara ang mga nanalo.

Iyan ang pinaka-ideal na sistema ng pagbibigay ng awards. May isang accounting firm na itataya ang kanilang lisensiya sa kanilang gagawing trabaho. Hindi iyong kagaya ng iba na kung sino lang ang pagbibilangin sa isang sulok, tapos kung hindi pa magustuhan ang bilang, maaaring palitan ang resulta. Wala naman kasing certification ang resulta mula sa isang lisensiyadong accounting firm. Kaya kung minsan, sila-sila rin nagtataka sa resulta dahil hindi ganoon ang inaasahan nila mula sa kanilang mga ibinoto.

Ang maganda nga lang diyan sa Eddys, hindi nila isinusugal ang kanilang karangalan diyan sa awards na iyan. Walang bentahan. Walang lakaran at wala ring dagdag-bawas.

HATAWAN
ni Ed de Leon

About Ed de Leon

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *