Tuesday , July 5 2022

Nadine, leading lady na ni Aga

MUKHANG maliwanag na nga ngayon na hindi pinakinggan ang sinasabi ni direk Erik Matti na ang dapat na pumalit kay Liza Soberano sa pelikulang Darna ay si Nadine Lustre. Sa kabila niyon, nagpa-audition pa rin sila. Kasama pa nga sa nag-audition pati mga artista ng GMA 7, pero maliwanag ding may idea na silang iba, dahil ngayon ang nakaporma ngang lalabas doon sa Darna ay ang dating Miss Universe na si Pia Wurtzbach, “kung matutuloy pa iyang ‘Darna’ na iyan,” sabi ng ibang observer.

Pero bale wala iyon kung hindi man natuloy si Nadine sa Darna, dahil ngayon mismong ang mga producer na niya ang gagawa ng pelikula niya na ang leading man ay si Aga Muhlach. Aba, mas matindi iyan kaysa Darna. Isipin ninyo, roon sa Darna, ang ibinebenta mo lang ay iyong character.

Iyong makakasama niya si Aga, aba eh isa iyan sa naging pinakasikat na matinee idol of all time, bukod doon kilala siya sa pagiging isang mahusay na actor. Hindi rin gagawa iyan ng hotoy-hotoy na pelikula lamang. Mabait naman iyang si Aga, pero siguro naman kung ang sasabihin mo sa kanyang makakasama niya ay isang hotoy-hotoy na artista lang, hindi papayag iyan. The fact na pumayag siyang gawin ang pelikula kasama si Nadine, ibig sabihin naniniwala rin siya sa kakayahan niyon.

Baka iyan naman talaga ang kailangan ni Nadine eh. Sinasabi nila na sa pananalo niya ng awards, at saka roon sa pelikula niyang kasama na Carlo Aquino, napatunayan na niya ang kakayahan niya sa acting. Ang kailangan niya sa ngayon ay isang pelikulang gagawa ng box office record para masabing talagang star na siya. Iyang si Aga, maaaring madala ang pelikula nila sa box office records.

May dahilan para matuwa si Nadine sa nangyayaring iyan sa kanyang career. Hindi naka-program iyan pero siguro nga talagang nangyayari. Suwerte lang niya talaga.

HATAWAN
ni Ed de Leon

 

 

About Ed de Leon

Check Also

AJ Raval

AJ ‘di buntis, flat tummy ipinagmalaki

MA at PAni Rommel Placente IBINANDERA ng sexy star na si AJ Raval sa kanyang Instagram account ang picture …

Arjo Atayde

Arjo 6 batas inihain agad pagka-upo sa Kongreso

MA at PAni Rommel Placente SA pagsisimula ng kanyang trabaho bilang Congressman ng 1st District …

Cristy Fermin Toni Gonzaga

Cristy ipinagtanggol si Toni Lupang Hinirang maayos na nakanta

MATABILni John Fontanilla DINEPENSAHAN  ni Cristy Fermin si Toni Gonzaga sa mga taong nanlalait kaugnay sa pag-awit nito ng Lupang …

Jake Zyrus Charice Pempenco

Jake Zyrus deadma sa ina sa kanyang Transman Journey

MATABILni John Fontanilla PALAISIPAN sa mga netizen ang hindi pagkakabanggit ni Jake Zyrus sa kanyang ina sa …

Geneva Cruz

Geneva sa tumawag ng trying hard— It’s a reflection of how bad you feel about yourself

MA at PAni Rommel Placente PINATULAN ni Geneva Cruz ang isang netizen na tumawag sa kanya ng …

Leave a Reply