Friday , December 9 2022

Formula ni Kuya Germs sa pagpapasikat ng artista, walang nakakuha

SA ganitong kalagayan ng industriya ng entertainment sa ating bansa, naaalala namin at nanghihinayang na wala na nga si Kuya Germs. Hindi natin maikakaila, si Kuya Germs ang nakapag-build up ng napakaraming mga artista ng sabay-sabay. Dumating ang panahon na halos lahat ng mga big star sa mga pelikula at telebisyon ay galing sa kanyang That’s Entertainment. Hanggang ngayon naman iyong mga dating taga-That’s pa rin ang sikat. Iyan bang sina Sunshine Cruz. Judy Ann Santos, Bing Loyzaga, Vina Morales, Ara Mina, at kung sino-sino pang napapanood ninyo sa mga serye, hindi ba lahat iyan galing sa That’s?

Pero napakahirap nang mangyari iyon kahit na ibalik pa ang That’s Entertainment, kasi wala na si Kuya Germs, at siya lamang ang nakaaalam ng kanyang formula. Isa kami roon sa madalas na kausap ni Kuya Germs. Minsan hindi kami nagkakasundo sa sistema niya ng pag-build-up, o tingin niya sa mga kailangang i-build up, pero in the end lumalabas na tama siya eh.

Palagay namin iyan ang wala sa ngayon. Karamihan kasi sa mga “starbuilders kuno” ngayon ay puro self-proclaimed lang. Wala silang actual experience. Eh si Kuya Germs noon, sinasabi nga niyang natutuhan niya ang style ni Doc Perez ng Sampaguita Pictures at ni Don Jose Zarasa Clover Theater. Iyon ang kanyang background kaya alam niya kung ano ang gusto ng masa.

Tinitilian nila noon si Kuya Germs na ang mga alaga niya ”walang K.” Pero may rating ang TV show nila at kumikita ang pelikulang ginagawa ng mga iyon. Eh ngayon, masasabi mo bang may “K” iyong mga Walwal boys, at iyong mga Squad Goal boys matapos na mag-flop ang kanilang pelikula?

Iba talaga iyong alam kung ano talaga ang pulso ng masa. Hindi mo matututuhan iyan sa libro, at lalong fake news naman ang mga nagyayabang na mapapasikat nila ang mga artista sa libro. Sino ba ang napasikat nila talaga?

HATAWAN
ni Ed de Leon

About Ed de Leon

Check Also

Paolo Contis Yen Santos Lolit Solis

Relasyon nina Paolo at Yen ibinuking ni Lolit 

I-FLEXni Jun Nardo TULUYAN nang ibinisto ni Manay Lolit Solis na ang aktres na si Yen Santos ang lucky …

Blind Item, Mystery Man, male star

Designer nagbabala baho ni male starlet ibubunyag

ni Ed de Leon MATAPOS na mapadalhan  ng “supposed to be pamasahe” niya papunta sa …

Vhong Navarro Arrest NBI

P1-M piyansa pinayagan
VHONG PANSAMANTALANG MAKALALAYA

HATAWANni Ed de Leon MABILIS na kumilos ang legal team ni Vhong Navarro para maihanda ang itinakdang …

Matet de Leon

Matet tinapos relasyon sa ina at pamilya

HATAWANni Ed de Leon NAUUNAWAAN namin at alam naming masamang-masama ang loob ni Matet sa kanyang sinasabing …

Vhong Navarro

P1-M piyansa ni Vhong pinayagan ng korte

PINAHINTULUTANG makapaglagak ng piyansa ang aktor at TV host na si Vhong Navarro para sa …

Leave a Reply