Monday , September 26 2022

BBL ipinaubaya ng BTC sa Kongreso

INIHAYAG ng Bangsa­moro Transition Commis­sion (BTC) na kanila nang ipauubaya sa mga mam­babatas ang tuluyang pag-aaproba sa Bangsa­moro Basic Law (BBL), ito ay makaraang mailusot sa pinal na pagbasa ng Kamara at Senado.

Binigyang diin ni Moro Islamic Liberation Front (MILF) vice chair­man for political affairs at expanded BTC head Ghadzali Jaafar, nakita nila ang pagsisikap ng mga mambabatas na nag­sulong ng panukala.

Nais ng MILF official na mapanatili ng bica­meral conference com­mittee ang ilang orihinal na probisyon na dati na nilang ipinupursigi.

Nananalig sila sa pangako ni Pangulong Rodrigo Duterte na mai­sasama sa SONA sa Hulyo ang BBL bilang ganap na batas, lalo’t personal umano itong sinabi sa kaniya ng punong ehekutibo.

Kasama si Jaafar sa mga nakipagpuyatan sa mga senador sa debate para sa BBL sa kanilang last session day.

Una rito, inabot ng pasado 1:00 am, ang paghimay ng mga sena­dor sa mahigit 100 pa­hina ng panukalang batas.

Ngunit ayon kay Senate Majority Leader Juan Miguel Zubiri, kaya tumagal nang hanggang umaga ang proseso nila ay upang matiyak na maipapasok ang mga kinakailangang pag­babago at matanggal ang mga bahaging maa­aring kuwestyonin sa aspektong legal.

Sa huli, 21-0 ang naging botohan ng mga senador para sa BBL.

Wala sa pagdinig si Senador Manny Pac­quiao at ang nakapiit na si Senadora Leila de Lima.

Habang sa Kamara ay 227 mambabatas ang pumabor, 11 ang ku­montra at dalawa ang nag-abstain.

Dahil dito, ihahabol ng bicameral conference committee ang pagsa­sa­ayos ng pinal na ber­si­yong lalagdaan ni Pangulong Rodrigo Duterte, bago ang kaniyang SONA.

(CYNTHIA MARTIN)

About Cynthia Martin

Check Also

Sta Maria Bulacan

Sa Sta.Maria, Bulacan…
2 PUSAKAL NA TULAK NASAKOTE

NAGWAKAS ang maliligayang araw ng dalawang hinihinalang tulak na responsable sa pagkakalat ng ilegal na …

pinuno ng pamahalaan Bulacan

Matibay at umaayon sa pagbabago <br> MGA PINUNO NG BULACAN, NAGKAISA SA PAGRESOLBA NG MGA ISYU NG LALAWIGAN

SA isang pambihirang pagkakataon, nagsama-sama ang mga pinuno ng pamahalaan sa Bulacan sa pangunguna nina …

Bong Revilla Jr

Sen Bong mamimigay ng kotse, motorsiklo, laptop, at cash sa kanyang kaarawan

SHOWBIZ KONEKni Maricris Valdez Nicasio TIYAK na marami ang matutuwa sa espesyal na regalo ni Sen …

Nueva Ecija PPO, PNP PRO3, Prison

No. 1  most wanted rapist ng Nueva Ecija, nasakote

ARESTADO sa inilatag na Manhunt Charlie Operation ng mga awtoridad ang nakatalang Rank no. 1 …

Masungi Georeserve

Peace and order sa Masungi Georeserve, ibabalik — Gen. Nartatez

TINIYAK ni Police Regional Office 4A Regional Director, P/BGen. Jose Melencion Nartatez, Jr., na agad …

Leave a Reply