Saturday , December 10 2022

Sharon, ikinalat sa social media na may full blown AIDS

EWAN kung hindi mo matatawag na kawalanghiyaan iyang kumalat sa mga social media blogs na umano, inamin ng megastar na si Sharon Cuneta na siya ay mayroong “full blown AIDS”. Kino-quote pa si Sharon na umamin umano na sa kanyang last check up, ang kanyang t-cell count ay nasa 95 na lamang. Ang normal na tao ay may t-cell count na 2,500, o mas mataas pa. Basta bumaba iyan sa 100, full blown AIDS na iyan. Hindi ba masasabi mong walang hiya ang gumawa niyan dahil hindi naman totoo ang balitang iyan.

Kung mag-iisip ka, hindi kapani-paniwala ang balitang iyan, pero ilang tao nga ba ang nag-iisip matapos na makabasa ng ganyan. Iyong dami ng nag-share pa ng fake news na iyan ay nangangahulugang marami rin ang naniwala. Iyang fake news na iyan ay may bahid politika, dahil sinasabi pang si Sharon ay nahawa sa kanyang asawang si Senador Kiko Panglinan, pero ayaw aminin niyon kung saan niya nakuha ang HIV virus.

Ngayon may kumalat na ganyan, saan mo hahabulin para mapanagot sa ilalim ng batas ang mga walanghiyang gumawa niyan? Social media nga iyan eh. Hindi naman sinasabi kung sino sila talaga. Wala kang paraan para hanapin sila dahil maski ang mga e-mail na ginagamit nila para makagawa sila ng mga ganyang blogs ay peke rin.

Kaya nga kami naninindigan na iyang social media ay hindi mapagkakatiwalaan kagaya ng mga lehitimong diyaryo, radio, at telebisyon. Iyong mga lehitimong peryodista, hindi gagawa ng ganyan kasi mapapanagot sila basta gumawa sila ng mga ganyang kawalanghiyaan. Iyong mga lehitimong diyaryo, hindi rin gumagamit kahit na fake pictures. Iyong mga lehitimong diyaryo, ni hindi gumagamit iyan ng mga picture na walang pahintulot na kumuha dahil alam nila na may batas sa copyright at iginagalang iyon ng lehitimong media.

Kung sa bagay, ang naloloko lang naman niyang mga ganyang balita ay iyong mahilig na magbasa ng mga blog na ginagawa lamang ng kung sino-sino. Dapat ba nating kunsintihin iyang mga ganyang katarantaduhan? Dapat bang suportahan iyang mga ganyang blogs at social media?

Mag-isip naman kayo.

HATAWAN – Ed de Leon

About Ed de Leon

Check Also

vhong navarro tanya bautista

Tanya masayang-masaya sa pansamantalang paglaya ni Vhong

MA at PAni Rommel Placente MASAYA kami para kay Vhong Navarro para sa pansamantala nitong kalayaan. Nitong …

Alfred Vargas

Alfred Vargas, passion ang showbiz at paglilingkod sa bayan

ALAM MO NA!ni Nonie Nicasio NAKATATLONG termino bilang congressman ng District 5 ng Quezon City …

Blind Item, Male Celebrity

Newcomer nalungkot, P3,500 lang ang pay sa pagbubuyangyang

ni Ed de Leon FRUSTRATED ang isang new comer, kung ano-ano raw ang ipinagawa sa kanya sa …

Vilma Santos Roderick Paulate

Sitcom nina Ate Vi at Kuya Dick naunsyami; Commercial, pelikula nakapila na

HATAWANni Ed de Leon APEKTADO na naman ang schedule ng dapat sana ay haharaping trabaho …

Rabiya Mateo

Rabiya Mateo tinawag na cheap, na beastmode

MATABILni John Fontanilla HINDI nakapagtimpi at pinatulan na ni Miss Universe Philippines 2020 Rabiya Mateo ang netizen na inilarawan …

Leave a Reply