Friday , March 29 2024

Baron, ‘di matututo kung patuloy na uunawain

BARON Geisler strikes again! Hindi siya naghamon ng suntukan at nanggulo sa isang bar. Hindi rin siya nambastos ng isang babae. Bago ito, inihian niya ang kanyang co-actor na si Ping Medina sa shooting ng isang eksena ng kanilang ginagawang indie film. Mabilis na inilabas ni Ping sa social media ang mga nangyari. Mabilis din naman ang iba pang mga taga-showbusiness kabilang na si FDCP Chairman Liza Dino sa pagkundena sa ginawa ni Baron. Tinawag pa niya si Baron na, “masahol pa sa hayop”.

Mabilis din naman ang aksiyon ng director na si Arlyn dela Cruz, tinanggal niya si Baron sa pelikula at pinatay na lang ang character na kanyang ginagampanan. Pero mabilis na sumagot si Baron. Sinasabi naman niya ang talagang may kasalanan ay ang kanilang director. Sinabi na raw kasi niya na may plano siyang gawin sa eksena, hindi siya pinakinggan at ang sabi sa kanya, “gawin mo na lang sa eksena”. Kaya naisip niya na ok lang na ihian si Ping. Hindi ba nakatatawang katuwiran?

Pero sino nga ba ang may kasalanan talaga riyan? Kung kami ang tatanungin, kasalanan nila iyan eh. Ngayon lang ba gumawa ng wala sa ayos si Baron? Alam naman nila kung ano na ang mga kinasangkutan niyan in the past. Idinemanda na iyan ng anak ni William Martinez. Idinemanda na rin iyan ni Yasmien Kurdi. Nasapak na iyan ng kung ilang ulit. Nauulit pa rin. Kaya kung magkaroon man ng gulo sa set, kasalanan na nila iyan kinuha nila si Baron.

Dapat kung ganyan ang kanyang attitude, huwag na siyang bigyan ng pagkakataong makagawa pa ng gulo. The best way, huwag na ninyong kunin. Kung kukunin naman ninyo, humanda na kayo sa gulo dahil natural na sa kanya iyong mga ganoong kalokohan.

Hindi matututo si Baron kung puro tayo pang-unawa. Kailangan sana umayos muna siya bago ninyo siya pabalikin sa showbusiness. Pero habang may mga kumukuha pa sa kanya, mauulit at mauulit iyan. Naihian na niya si Ping Medina, ano naman kaya ang kasunod?

HATAWAN – Ed de Leon

About Ed de Leon

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *