Sunday , February 25 2024

Duterte, hindi totoong galit sa media — PDP-Laban official

Nilinaw ni PDP Laban Policy Studies Group head Jose Antonio Goitia na hindi totoong galit sa lahat ng miyembro ng media si incoming President Rodrigo Duterte kundi sa maling pagkiling ng foreign press na hindi inilalabas ang mga positibong pananaw ng bagong lider ng ating bansa.

Ayon kay Goitia, pangulo rin ng PDP Laban San Juan City Council at chairman ng Membership Committee PDP Laban sa National Capitol Region, noong nakaraang campaign period ay inihayag ni Duterte ang kahalagahan ng pagbibigay proteksiyon sa mga miyembro ng Fourth Estate ngunit walang naglabas nito kundi isang broadsheet sa ating bansa at ni hindi ito natalakay ng foreign press.

“Sa matagal na panahong naging alkalde si Duterte ng Davao City, wala siyang idinemanda ng libelo kahit isang mamamahayag kahit lagi siyang tinutuligsa ng ilang mediamen,”diin ni Goitia.

Ibinigay rin halimbawa ni Goitia ang pagdedeklara ni dating pangulong Gloria Macapagal Arroyo ng emergency power noong 2005 na bawal ang mga protesta.

“Hindi ba’t tanging si Duterte bilang alkalde ng Davao ang nagbigay ng permiso sa mga mamamahayag na nagprotesta laban sa Proclamation 1017 ni GMA?” ani Goitia na miyembro rin ng Executive Committee ng PDP-Laban.

“Ang mga pahayag ni Duterte sa pagbibigay ng proteksiyon sa mga mamamahayag at ang kanyang mga aksiyon noong alkalde pa lamang siya ay kabaligtaran kung paano siya inilalarawan ngayon ng lokal at dayuhang media,” dagdag ni Goitia. “Sa pagtatalaga sa broadcaster na si Martin Andanar bilang Communications secretary, marahil gaganda rin ang relasyon ni Duterte sa media dahil kailangan din ng bagong gobyerno ang watchdog function ng mga mamamahayag.”

About Hataw News Team

Check Also

Vape Smoke

Vape company ipinasasara ng Kamara

NANAWAGAN ang Kamara de Representantes sa Securities and Exchange Commission (SEC),  sa Department of Trade …

Valenzuela city magtatayo ng command center Nagbigay pa ng 2 swat van

Nagbigay pa ng 2 swat van
Valenzuela City magtatayo ng command center 

BILANG bahagi ng pagdiriwang ng ika-26th Charter Day ng Valenzuela, pinangunahan ni Mayor WES Gatchalian ang …

shabu drug arrest

2 tulak, nalambat sa buy-bust

DALAWANG tulak ng ilegal na droga ang nalambat makaraang kumagat ang mga ito sa isinagawang …

Kelot kinalawit sa pag-iingat ng baril 10 pa law violators dinakma

Kelot kinalawit sa pag-iingat ng baril; 10 pa law violators dinakma

ISANG lalaki na nag-iingat ng iligal at hindi lisensiyadong baril ang inaresto ng pulisya kabilang …

San Pedro Apostol Simbahan bumagsak

Balcony bumagsak habang pari at lay ministers nagpapahid ng abo sa noo ng mga deboto
80-ANYOS LOLA PATAY SA INAANAY NA PALAPAG NG SAN PEDRO APOSTOL

ni MICKA BAUTISTA at ng HATAW News TEAM HINDI nakaligtassa kamatayanang isang 80-anyos lolang deboto …

Leave a Reply

Your email address will not be published. Required fields are marked *